ФК Іслач

З пляцоўкі Вікіпедыя
Jump to navigation Jump to search
Іслач
Лагатып
Поўная назва ЗАТ «Футбольны клуб „Іслач“»
Заснаваны 2007
Горад Мінскі раён, Беларусь
Стадыён Стадыён ФК «Мінск»
Умяшчальнасць: 3000
Дырэктар Сяргей Мельнікаў
Галоўны трэнер Арцём Радзькоў
Чэмпіянат Вышэйшая ліга
2020 7 месца
Сайт Афіцыйны сайт
Форма
Асноўная
форма
Форма
Гасцявая
форма

«Іслач»беларускі футбольны клуб з Мінскага раёна, заснаваны ў 2007 годзе. У цяперашні час выступае ў Вышэйшай лізе чэмпіянату Беларусі.

Назву атрымаў ад ракі Іслач, якая працякае па заходняй частцы Мінскага раёна.

Гісторыя[правіць | правіць зыходнік]

Быў заснаваны як калектыў фізічнай культуры (КФК), спачатку ўдзельнічаў у абласных чэмпіянатах.

У 2011 годзе клуб выйграў аматарскі Рэгіянальны Кубак Беларусі.

2012[правіць | правіць зыходнік]

У сезоне 2012 «Іслач» заявілася ў Другую лігу чэмпіянату Беларусі. У дэбютным сезоне клуб адразу заняў трэцяе месца і атрымаў месца ў Першай лізе. Таксама, паспяхова згуляўшы ў адборачных матчах, клуб трапіў у фінальную частку Еўрапейскага Рэгіянальнага Кубка.

2013[правіць | правіць зыходнік]

У чэрвені 2013 года «Іслач» прыняла ўдзел у фінальным турніры Кубка Рэгіёнаў УЕФА ў італьянскім рэгіёне Венета. Заняўшы другое месца ў групе (1 паражэнне і 2 перамогі), каманда атрымала выніковае трэцяе месца.

У Першай лізе «Іслач» спачатку выступала ўпэўнена і прэтэндавала на высокія месцы, але старт другога круга быў правалены. У выніку каманда спынілася на 9 месцы.

2014[правіць | правіць зыходнік]

Сезон 2014 каманда распачала выдатна, пасля 5 тураў знаходзілася на першым радку. Але потым пайшоў шэраг няўдач, і першы круг каманда скончыла ўжо ў ніжняй палове табліцы.

Пасля няўдач улетку 2014 года быў значна зменены склад каманды, які быў папоўнены ігракамі з вопытам выступлення ў Вышэйшай лізе. У выніку «Іслач» здолела ўмяшацца ў барацьбу за трэцяе месца, якое давала права на стыкавыя матчы за месца ў Вышэйшай лізе. Але, згуляўшы ўнічыю ў чатырох апошніх турах, «Іслач» засталася на сёмым месцы.

2015[правіць | правіць зыходнік]

З самага пачатку сезона 2015 «Іслач» разглядалася як адзін з галоўных прэтэндэнтаў на выхад у Вышэйшую лігу. Каманда хутка захапіла лідарства ў табліцы. Пазней часам першы радок «Іслач» саступала магілёўскаму «Дняпру» і «Гарадзеі», але здолела роўна прайсці ўвесь сезон і ў выніку стала пераможцам Першай лігі, а нападнік каманды Аляксандр Алумона з 20 галамі стаў найлепшым бамбардзірам чэмпіянату.

2016[правіць | правіць зыходнік]

Дэбютны сезон у Вышэйшай лізе для каманды пачаўся паспяхова, «Іслач» апынулася сярод лідараў і доўгі час ішла ўверсе табліцы. У другой палове чэмпіянату вынікі пайшлі на спад, каманда апусцілася ніжэй, але паспяховы фініш дазволіў скончыць сезон на сёмым месцы. Цяжкі ўдар па «Іслачы» быў нанесены скандалам з дагаварным матчам (30 красавіка ў матчы пятага тура «Іслач» саступіла брэсцкаму «Дынама» 2:4, але пазней вынік быў ануляваны і «Іслачы» прысуджана паражэнне 0:3), з-за якога з клуба былі зняты 7 ачкоў у сезоне 2017.

2017[правіць | правіць зыходнік]

Пачаўшы сезон са штрафам у 7 ачкоў, каманда доўгі час на магла набраць ачкі, хоць гуляла няблага. За першую палову сезона «Іслач» набрала 7 ачкоў і выйшла па колькасці набраных ачкоў у 0. За восем тураў да фінішу адставанне ад выратавальнага 14-га месца складала 11 ачкоў. Аднак, клуб з Мінскага раёна выдатна правёў фінальны этап, атрымаўшы ў васьмі матчах шэсць перамог, за тур да фінішу забяспечыўшы захаванне месца ў Вышэйшай лізе. У выніку «Іслач» скончыла сезон на 11-м месцы.

2018[правіць | правіць зыходнік]

У сезоне 2018 «Іслач» была адным з сераднякоў, аднак знаходзілася ў ніжняй частцы табліцы, не маючы магчымасці ўзняцца вышэй. Няўдалы адрэзак у пачатку другой паловы турніру, калі каманда апусцілася блізка да зоны вылету, атрымалася пераадолець дзякуючы перамогам над лідарамі — салігорскім «Шахцёрам» і БАТЭ. У выніку «Іслач» скончыла сезон на дзясятым радку.

2019[правіць | правіць зыходнік]

У сезоне 2019 «Іслач» вырашыла змагацца за больш высокія месцы, галоўны трэнер Віталь Жукоўскі агучыў задачу ў 50 набраных ачкоў у Вышэйшай лізе і барацьбу за еўракубкавыя месцы. Значна абнавіўся склад, былі запрошаны вопытныя ігракі, а таксама шэраг перспектыўных легіянераў. У выніку каманда добра пачала сезон — ішла ўверсе табліцы ў Вышэйшай лізе, у Кубку Беларусі выбіла ў чвэрцьфінале БАТЭ, а ў паўфінале толькі ў дадатковы час саступіла «Шахцёру». Пазней вынікі ў чэмпіянаце пайшлі на спад, асноўным стала змаганне за чацвёрты радок, аднак у канчатковай табліцы «Іслач» заняла пятае месца.

2020[правіць | правіць зыходнік]

У 2020 годзе «Іслач» стала больш увагі надаваць маладым ігракам, які запрашаліся з іншых клубаў, таксама да асноўнай каманды падцягваліся ўласныя дублёры. Пры гэтым клуб захаваў асноўных ігракоў і ўзмацніўся некалькімі вопытнымі выканаўцамі. У пачатку 2020 года, падчас пандэміі COVID-19, калі ўсе еўрапейскія чэмпіянаты і большасць сусветных былі спынены, чэмпіянат Беларусі працягваўся[1]. У выніку распаўсюджання каронавіруса сярод функцыянераў і ігракоў, клуб пачаў утойваць інфармацыю пра захварэлых, пра што сведчыць адзін з лідэраў клуба Мамо Янсанэ[2].

У турнірнай табліцы каманда амаль увесь час знаходзілася ў сярэдзіне табліцы і ў выніку скончыла сезон сёмай.

2021[правіць | правіць зыходнік]

У сезон 2021 года клуб увайшоў з новым галоўным трэнерам Арцёмам Радзьковым[3]. У пачатку сезона Іслач дайшла да фінала Кубка Беларусі, дзе прайграла барысаўскаму «БАТЭ». Чэмпіянат краіны для клуба пачаўся не стабільна — прайграў меркаваным лідарам чэмпіяната, а таксама прайграў па пенальці ў 1/8 фінала Кубка Беларусі гомельскаму «Лакаматыву» з Першай лігі (3:3).

Дасягненні[правіць | правіць зыходнік]

Цяперашні склад[правіць | правіць зыходнік]

Станам на кастрычнік 2021 года, згодна з афіцыйным сайтам клуба[4].

Пазіцыя Імя Год нараджэння
16 Беларусь Бр Уладзіслаў Васілючак 1994
34 Беларусь Бр Барыс Панкратаў 1982
44 Беларусь Бр Максім Высоцкі 1995
3 Беларусь Аб Дзмітрый Зіновіч 1995
5 Беларусь Аб Максім Ковель 1999
18 Беларусь Аб Мікіта Сцяпанаў 1996
35 Беларусь Аб Вадзім Пігас 2001
50 Беларусь Аб Аляксей Шалашнікаў 2002
55 Камерун Аб Іван Дыбанго 2002
6 Гвінея ПА Абдулае Кандэ 2002
15 Беларусь ПА Дзмітрый Камароўскі Капітан каманды 1986
37 Беларусь ПА Дзмітрый Некрашэвіч 2001
39 Расія ПА Кірыл Глушчанкоў 2000
Пазіцыя Імя Год нараджэння
41 Беларусь ПА Арцём Гурэнка 1994
71 Беларусь ПА Антон Кавалёў 2000
91 Беларусь ПА Алег Патоцкі 1991
97 Беларусь ПА Максім Мякіш 2000
98 Беларусь ПА Дзмітрый Лісаковіч 1999
99 Беларусь ПА Руслан Лісаковіч 2002
10 Нігер Нап Даніэл Сазах 1998
11 Беларусь Нап Уладзіслаў Марозаў 2000
17 Украіна Нап Юрый Казырэнка 1999
19 Казахстан Нап Мацвей Герасімаў 2001
29 Беларусь Нап Максім Санец 1997
30 Нігерыя Нап Фрайдэй Годвін 2002
33 Беларусь Нап Валерый Гарбачык 1995

Рэзервовы склад[правіць | правіць зыходнік]

Пазіцыя Імя Год нараджэння
77 Беларусь Бр Ягор Кірылаў 2004
Беларусь Бр Арцём Парашчанка 2003
4 Беларусь Аб Глеб Крыўцоў 2003
13 Беларусь Аб Максім Лапчук 2004
Беларусь Аб Аляксей Арловіч 2002
Беларусь Аб Данііл Гарачка 2003
Беларусь Аб Мікіта Далідовіч 2004
Беларусь Аб Кірыл Пацяршук 2001
Беларусь Аб Іван Садоўскі 2001
Пазіцыя Імя Год нараджэння
21 Беларусь ПА Арцём Зімін 2003
23 Беларусь ПА Іван Гомазаў 2002
80 Беларусь ПА Станіслаў Атрашкевіч 2002
88 Беларусь ПА Аляксандр Гуз 2004
Беларусь ПА Мікіта Ерамінок 2002
Беларусь ПА Вадзім Мельнік 2001
Беларусь ПА Фёдар Цішкевіч 2003
Беларусь Нап Андрэй Каламацкі 2000
Беларусь Нап Алег Плют 2002

Трэнерскі штаб[правіць | правіць зыходнік]

Статыстыка выступленняў[правіць | правіць зыходнік]

Чэмпіянат і Кубак Беларусі[правіць | правіць зыходнік]

Сезон Ліга М Г В Н П Галы Ачкі Кубак Заўвагі
2012 Другая (Д3) 3 36 21 7 8 61–30 70 1/16 фіналу Flecha verde.png Выхад у Першую лігу
2013 Першая (Д2) 9 30 11 8 11 39–37 41 1/32 фіналу
2014 Першая (Д2) 7 30 11 12 7 39–35 45 1/8 фіналу
2015 Першая (Д2) 1 30 20 9 1 76–24 69 1/8 фіналу Flecha verde.png Выхад у Вышэйшую лігу
2016 Вышэйшая (Д1) 7 30 11 8 11 33–39 41 1/8 фіналу
2017 Вышэйшая (Д1) 11 30 10 4 16 27–46 271 Чвэрцьфінал
2018 Вышэйшая (Д1) 10 30 8 9 13 20–37 33 Паўфінал
2019 Вышэйшая (Д1) 5 30 13 8 9 42–36 47 Чвэрцьфінал
2020 Вышэйшая (Д1) 7 30 13 6 11 47–46 45 Фіналіст
2021 Вышэйшая (Д1) 1/16 фіналу
  • 1 З каманды зняты 7 ачкоў за ўдзел ігракоў клуба ў дагаварных матчах у сезоне 2016.

Зноскі

  1. Богуславская, Александра Коронавируса не боимся: как в Беларуси играют в футбол во время пандемии (руск.) . Deutsche Welle (27 красавіка 2020). Праверана 1 верасня 2021.
  2. «Люблю Басту и борщ!» Забивает в ЛЧ и идет на «Реал», хотя еще весной пылил в ФНЛ: монолог Момо Янсане из «Шерифа» (руск.) . Sport24.ru (27 верасня 2021). Праверана 28 верасня 2021.
  3. Артем Радьков возглавил "Ислочь" (руск.) . Football.by (4 студзеня 2021). Праверана 27 верасня 2021.
  4. Основной состав

Галоўныя трэнеры[правіць | правіць зыходнік]

Спасылкі[правіць | правіць зыходнік]