Саят-Нава

Саят-Нава
арм.: Սայաթ-Նովա груз. საიათ-ნოვა азерб.: Sayat Nova перс.: سایات‌نووا
Асабістыя звесткі
Імя пры нараджэнні	арм.: Արութին Սայադյան
Дата нараджэння	14 чэрвеня 1712(1712-06-14)[…]
Месца нараджэння	Тыфліс, Картлійскае царства
Дата смерці	22 лістапада 1795(1795-11-22) (83 гады)
Месца смерці	Haghpat[d], Картлі-Кахецінскае царства[d]
Пахаванне	Царква Сурб Геворг[d]
Грамадзянства	Картлійскае царства  Картлі-Кахецінскае царства[d]
Прафесійная дзейнасць
Род дзейнасці	паэт, кампазітар, спявак, ашуг
sayat-nova.am
Медыяфайлы на Вікісховішчы

Сая́т-Нава́ (арм.: Սայաթ-Նովա, перс.: سایات‌نووا, груз. საიათ-ნოვა; псеўданім Аруцюна Саядзяна, арм.: Հարություն Սայադյան; 1712, Тбілісі — 1795) — армянскі паэт, буйнейшы прадстаўнік свецкай паэзіі позняга сярэдневякоўя.

Біяграфія

Быў прыдворным песняром і музыкантам грузінскага цара Іраклія II. Выгнаны са службы з-за сутычак з вяльможамі, стаў свяшчэннікам, з 1768 манах. Праславіўся як ашуг. Пісаў песні на армянскай, грузінскай і азербайджанскай мовах, у якіх традыцыйная для ўсходняй паэзіі вобразнасць спалучалася з глыбокай эмацыянальнасцю, пратэстам супраць сацыяльнай несправядлівасці. Майстар любоўнай лірыкі («Я хворы каханнем да цябе», «Каманча», «Да салаўя», «Так жыць хачу» і інш.). Забіты ў Тбілісі ў час нашэсця персідскіх войск.

На беларускую мову асобныя яго вершы пераклалі Х. Жычка, Н. Тулупава.

Літаратура

• Казінян А. Саят-Нава // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).