Свята-Ільінская царква (Высокае)
| Праваслаўны храм | |
| Свята-Ільінская царква | |
|---|---|
 | |
| 54°38′17″ пн. ш. 30°28′10″ у. д.HGЯO | |
| Краіна |
 Беларусь |
| Аграгарадок | Высокае |
| Архітэктурны стыль | рэтраспектыўна-рускі стыль |
| Заснавальнік | Канстанцін Любамірскі |
| Будаўніцтва | 1913—1917 гады |
| Статус |
 Гісторыка-культурная каштоўнасць Беларусі, шыфр 213Г000129 |
| Стан | руіны |
 |
|
 Медыяфайлы на Вікісховішчы | |
Свята-Ільінская царква — праваслаўны храм у аграгарадку Высокае Аршанскага раёна Віцебскай вобласці. Знаходзіцца ў цэнтры вёскі на перакрыжаванні галоўных вуліц.
Гісторыя
[правіць | правіць зыходнік]Пабудавана ў першай палове XIX стагоддзя з цэглы ўладальнікам маёнтка Канстанцінам Любамірскім. Адкрыта пасля заняпаду ў 1980-я гады.
Архітэктура
[правіць | правіць зыходнік]Помнік архітэктуры рэтраспектыўна-рускага стылю. Кампазіцыйна складаецца з шырокага прытвора з аднаяруснай высокай васьміграннай званіцай над ім працяглай трапезнай, кубападобнай малітоўнай залы з бакавымі прыдзеламі, паўкруглай апсіды з бакавымі рызніцамі такой жа канфігурацыі. Над дахам узвышаўся купал (не захаваўся). Галоўны ўваход вылучаны 3-арачным рундуком з трохвугольным шчытом у завяршэнні, аналагічна завершаны 2 бакавыя ўваходныя парталы, размешчаныя па вуглах пры сачляненні трапезнай і асноўнага аб’ёму. Магутная архітэктурная пластыка ствараецца сродкамі адкрытай фігурнай цаглянай муроўкі. Неатынкаваныя фасады расчлянёны прамавугольнымі аконнымі праёмамі ў пластычных ліштвах са здвоенымі какошнікамі, насычаны дэкорам: пояс какошнікаў каля аснавання шатра званіцы, паясы шырынак, аркатурныя фрызы, пілястры.
У інтэр’еры памяшканні перакрыты цыліндрычнымі скляпеннямі (апсіда — конхай), аб’ядноўваюцца шырокімі арачнымі прасветамі. Падлога пакрыта каляровымі керамічнымі пліткамі[1].
Зноскі
Літаратура
[правіць | правіць зыходнік]- Храм святого пророка Илии // Витебская епархия. Монастыри, храмы и приходы : справочник / сост. А. Матвеев. — Минск : Белорусская Православная Церковь, 2009. — С. 74.
Спасылкі
[правіць | правіць зыходнік]
На Вікісховішчы ёсць медыяфайлы па тэме Свята-Ільінская царква (Высокае)- Свята-Ільінская царква (Высокае) на сайце Глобус Беларусі (руск.)
- Свята-Ільінская царква (Высокае) на сайце «Архіварта»
