Свята-Міхайлаўская царква (Новы Двор)

Праваслаўны храм
Свята-Міхайлаўская царква
52°49′42″ пн. ш. 24°21′11″ у. д.
Краіна	Беларусь
Аграгарадок	Новы Двор
Канфесія	Праваслаўе
Епархія	Гродзенская і Ваўкавыская
Благачынне	Свіслацкае
Будаўніцтва	1993—1994 гады
Стан	дзейнічае

Свята-Міхайлаўская царква — мураваны праваслаўны храм у аграгарадку Новы Двор Свіслацкага раёна Гродзенскай вобласці. Знаходзіцца на вул. Масушынская, 16.

Гісторыя

Старая царква 1941—1944 гады

У 1868 годзе была пабудавана драўляная царква. У 1964 годзе яна была разабрана. Сёння на яе месцы знаходзіцца помнік савецкаму салдату.

Новы прыход быў зарэгістраваны 21 чэрвеня 1993 года. Храм асвечаны ў 1994 годзе. Знаходзіца ў 30 метрах па левым баку ад старой царквы.

У 2004 годзе быў пастаўлены новы іканастас. У 2008 годзе вакол храма была ўсталяваная агароджа.

Пры храме дзейнічае нядзельная школа.

Архітэктура

Пабудаваны з белай цэглы ў форме прастакутніка. Унутры абтынкаваны і пафарбаваны. Храм складаецца з асноўнай часткі і бабінца, лесвіца якога вядзе на званіцу. Царква мае два купалы з бляхі (не афарбаваны), крыжы на купалах звычайныя, металічныя, дах бляшаны.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Міхайлаўская царква (Новы Двор) на сайце Глобус Беларусі (руск.)