Свята-Пакроўская царква (Асіпаўшчына)

Праваслаўны храм
Свята-Пакроўская царква
53°23′06,88″ пн. ш. 26°34′54,7″ у. д.
Краіна	Беларусь
Вёска	Асіпаўшчына
Канфесія	Беларуская праваслаўная царква
Епархія	Маладзечанская епархія
Дата пабудовы	1819 год
Статус	Гісторыка-культурная каштоўнасць Беларусі, шыфр 113Г000407

Свята-Пакроўская царква — праваслаўны храм у гонар Пакрова Прасвятой Багародзіцы ў в. Асіпаўшчына Стаўбцоўскага раёна Мінскай вобласці.

Гісторыя

Пабудавана ў 1819 годзе на могілках, у 1990-я гг. абкладзена цэглай і павялічана.

Архітэктура

Вырашана прамавугольным аб'ёмам з трохграннай алтарнай часткай, над якой двухсхільны дах з чатырохгранным шатровым барабанам па цэнтры пераходзіць у вальмавы. Неатынкаваныя цагляныя сцены расчлянёны прамавугольнымі аконнымі праёмамі. Непадалёку пастаўлена чатырохгранная шатровая цагляная каплічка.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

• Свята-Пакроўская царква (Асіпаўшчына) на сайце Праваслаўная архітэктура Беларусі (бел.)
• Свята-Пакроўская царква (Асіпаўшчына) на сайце Radzima.org
• Свята-Пакроўская царква (Асіпаўшчына) на сайце Глобус Беларусі (руск.)