Свята-Троіцкая царква (Расна)

Славутасць
Свята-Троіцкая царква
54°00′41″ пн. ш. 31°11′35″ у. д.
Краіна	Беларусь
Аграгарадок	Расна
Канфесія	Праваслаўе
Епархія	Магілёўская і Мсціслаўская
Благачынне	Горацкае
Будаўніцтва	XX ст.
Стан	дзейнічае

Свята-Троіцкая царква — мураваны праваслаўны храм у аграгарадку Расна Дрыбінскага раёна Магілёўскай вобласці.

Гісторыя

У 2001 годзе прыходскай радай быў выкуплены будынак жылога дома і адаптаваны пад храм.

Архітэктура

Пабудавана з сілікатнай цэглы. Вырашана прамавугольным у плане аб’ёмам з 5-граннай апсідай. Па цэнтры 2-схільнага даху малітоўнай залы і над вальмавым апсіды ўзведзены цыбулепадобныя галоўкі. Фасады расчлянёны прамавугольнымі аконнымі праёмамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Троіцкая царква (Расна) на сайце Глобус Беларусі (руск.)