Справа «чорных рыэлтараў»
Справа «чорных рыэлтараў» — крымінальны працэс у Беларусі. Па версіі следства, абвінавачаныя — муж і жонка Ігар і Таццяна Гершанковы, Сямён Беражны, Барыс Калеснікаў — з 2009 па 2015 год знаходзілі ў Магілёве людзей, самотных або якія п’юць, угаворвалі прадаць кватэру і перасяліцца ў больш таннае жыллё. Пасля афармлення здзелкі ахвяр забівалі і хавалі на сельскіх могілках.[1]
Ход падзей[правіць | правіць зыходнік]
У Магілёве злачынцамі было забіта шэсць чалавек, рыхтавалася яшчэ тры забойствы. Злаўмыснікі усыплялі ахвяраў, заматывалі твар і рукі скотчам і скідвалі ў магілы. Некаторыя пры гэтым былі яшчэ жывыя. Пракурор параўнаў падсудных з фашыстамі, а іх дзеянні назваў «канвеерам смерці». Першае забойства, як вынікае з абвінавачвання, Гершанкоў здзейсніў у 2009 годзе. З 2013 па 2015 год кампанія паспела забіць яшчэ чатырох чалавек.[2]
Арганізатарамі называюць Ігара і Таццяну Гершанковых — яны знаходзілі ахвяраў, ўгаворвалі іх прадаць кватэры, сачылі за афармленнем здзелак, размяркоўвалі грошы. Калеснікаў і Беражны, як вынікае з абвінавачвання, былі выканаўцамі. Сямён Беражны хадзіў па кватэрах пад выглядам судовага выканаўцы, які пагражаў высяленнем за запазычаннасць па «камуналцы».
Справа «чорных рыэлтараў» выклікала ў грамадстве шок.
Суд[правіць | правіць зыходнік]
Суд прысудзіў Ігара Гершанкова і Сямёна Беражнога да расстрэлу. Таццяне Гершанковай далі 24 гады калоніі, Барысу Калеснікаву — 22 гады. Падчас судовага следства абвінавачаныя перакладалі віну адзін на аднаго.
Зноскі
- ↑ Дело "черных риелторов" в Могилеве (руск.)(недаступная спасылка). TUT.BY. Архівавана з першакрыніцы 30 лістапада 2018. Праверана 27 верасня 2018.
- ↑ Адарья Гуштын.. Убить ради наживы. Как черные риелторы из Могилева расправлялись с жертвами (руск.)(недаступная спасылка). naviny.by (6 верасня 2017). Архівавана з першакрыніцы 28 лістапада 2018. Праверана 27 верасня 2018.
Спасылкі[правіць | правіць зыходнік]
- На Вікісховішчы пакуль няма медыяфайлаў па тэме, але Вы можаце загрузіць іх