Спіральнараснічныя інфузорыі

З пляцоўкі Вікіпедыя
Jump to navigation Jump to search
Спіральнараснічныя інфузорыі
Stylonychia Side view.jpg
Навуковая класіфікацыя
Міжнародная навуковая назва

Spirotrichea Bütschli, 1889

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  33829
EOL  2864299

Спіральнараснічныя інфузорыі (Spirotrichea), або рознараснічныя інфузорыі (Heterotrichea) — клас (падклас) інфузорый.

Адрозніваюцца 3 атрады, каля 2 тыс. відаў. Пашыраны ў прэсных вадаёмах. Жывуць свабодна або прымацаваныя да субстрату. На Беларусі найбольш трапляюцца бурсарыя трункатэла, спірастомум малы, стыланіхія мітылюс, трубач блакітны, трубач зменлівы.

Даўжыня да 3 мм. Цела ўкрыта шчыльнай пелікулай з густымі раснічкамі (органы перамяшчэння), некаторыя маюць ракавіну. Каляротавыя раснічкі (2—4 рады) злітыя паміж сабой (т.зв. мембранелы), якія спіральна закручаны па гадзіннікавай стрэлцы (адсюль назва), даўжэйшыя за астатнія (адсюль другая назва). Кормяцца дробнымі арганічнымі рэшткамі, бактэрыямі, водарасцямі, прасцейшымі. Самі служаць кормам для іншых беспазваночных, малявак рыб.

Удзельнічаюць у біялагічным ачышчэнні вады. Ёсць паразіты, узбуджальнікі хвароб жывёл і чалавека.

Літаратура[правіць | правіць зыходнік]

  • Петрыкаў А. Спіральнараснічныя інфузорыі // БЭ ў 18 т. Т. 15. Мн., 2002.