Станіслаў Паўлавіч Мікуцкі

Станіслаў Паўлавіч Мікуцкі
Дата нараджэння	26 кастрычніка (7 лістапада) 1814
Месца нараджэння	Ляпакі-Вялікі[d], Гміна Элк, Элцкі павет, Вармінска-Мазурскае ваяводства, Польшча
Дата смерці	25 жніўня (6 верасня) 1890 (75 гадоў)
Месца смерці	Варшава, Царства Польскае, Расійская імперыя
Род дзейнасці	навуковец, мовазнавец
Навуковая сфера	філалогія
Месца працы	Варшаўскі ўніверсітэт
Альма-матар	гісторыка-філалагічны факультэт Маскоўскага ўніверсітэта[d]

Станіслаў Паўлавіч Мікуцкі (26 кастрычніка (7 лістапада) 1814, в. Ляпакі-Вялікі, Беластоцкая вобласць — 25 жніўня (6 верасня) 1890), расійскі філолаг-славіст. Ганаровы доктар філалагічных навук (1878).

Скончыў гістарычна-філалагічны факультэт Маскоўскага універсітэта (1851). 3 1863 працаваў у Варшаўскай бібліятэцы. У 1873—1888 дацэнт Варшаўскага універсітэта. У 1853—1856 па даручэнні Пецярбургскай АН даследаваў беларускія і літоўскія гаворкі, збіраў беларускі фальклор. Вынікам экспедыцый Мікуцкага сталі 9 навуковых справаздач, апублікаваных Аддзяленнем рускай мовы і славеснасці АН у 1853—1856, «Спроба літоўска-рускага слоўніка» (1854) і інш. Даследаваў сувязь славянскіх моў з балтыйскімі, з мовамі германскай, кельцкай, індаеўрапейскай груп. 3 сабраных матэрыялаў у 1855 склаў слоўнік на 2010 слоў. Аўтар прац «Абласныя словы беларускіх старцаў» і «Беларускія песні і загадкі, запісаныя ў Віцебскай губерні ў маёнтку Зябкі Дрысенскага павета» (1853).

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).