Старасцень вясенні

З пляцоўкі Вікіпедыя
Jump to navigation Jump to search
Старасцень вясенні
Senecio vernalis001.JPG
Навуковая класіфікацыя
Міжнародная навуковая назва

Senecio vernalis Waldst. & Kit., 1800

Сінонімы
Senecio leucanthemifolius subsp. vernalis (Waldst. & Kit.) Greuter, 2003
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  93496
EOL  6189999
GRIN  t:410181
IPNI  248179-1
TPL  gcc-44379

Старасцень вясенні[3] (Senécio vernális) — звычайна двухгадовая травяністая расліна, від роду Старасцень (Senecio) сямейства Астравыя (Asteraceae).

Назва[правіць | правіць зыходнік]

Старасцень вясенні, несмяртэльнік, нічуйвецер, сахотнік, сухавея[4], нічавей, нятупнік[5].

Батанічнае апісанне[правіць | правіць зыходнік]

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Двухгадовая, радзей аднагадовая расліна з адзінкавым ці некалькімі прамымі сцебламі, некалькі разгалінаванымі звычайна толькі ў верхняй частцы, вышынёй 15-50 см, у маладым узросце павуцініста апушанамі. Лісце чаргова размешчанае ўздоўж сцеблаў, у абрысе даўгаватае да шырокалінейнага, прыкаранёвае і ніжняе сцябловае — чарашковае, з зубчастымі лопасцямі, да цвіцення адмірае, сярэдняе і верхняе лісце сядзячае, у аснаванні са сцеблаабдымнымі вушкамі, з востразубчастымі лопасцямі, 2-8 см даўжынёй і да 2, 5 см шырынёй.

Кошыкі сабраны ў верхавіннае шчыткападобнае агульнае суквецце, з ложнаязычковымі і трубчастымі кветкамі. Абгортка каля 7 мм даўжынёй, унутраныя яе лісточкі лінейныя, вострыя, на канцы з чорнай плямай, знешнія — у некалькі разоў карацей унутраных, таксама з чорнай плямай. Краявыя кветкі песцікавыя, у ліку 12-16, іх жоўтыя язычкі да амаль белых, вузкадаўгаватыя, у 1,5—2 разы даўжэй абгорткі.

Сямянкі 2-3 мм даўжынёй, цыліндрычныя, з чубком.

Распаўсюджанне[правіць | правіць зыходнік]

Еўрапейска-заходнеазіяцкая і паўночнаафрыканская расліна, якая сустракаецца па пясчаным лугах, схілах, часта як пустазельная ўздоўж дарог і па краях палёў.

Таксанамія[правіць | правіць зыходнік]

Senecio vernalis Waldst. & Kit., Pl. Hung. 1: 23, t. 24 (1800).

Сінонімы[правіць | правіць зыходнік]

  • Jacobaea squalida C.A.Mey., 1831
  • Jacobaea vernalis (Waldst. & Kit.) C.A.Mey., 1831
  • Senecio crassifolius Sm., 1839, ням. illeg.
  • Senecio euxinus Minderova, 1956
  • Senecio gallicus auct.
  • Senecio leucanthemifolius (Waldst. & Kit.) Greuter, 2003
  • Senecio leucanthemifolius (Waldst. & Kit.) C.Alexander, 1975
  • Senecio peduncularis Griseb., 1846
  • Senecio polycephalus Ledeb., 1845
  • Senecio rapistroides DC., 1838
  • Senecio squalidus M.Bieb., 1808, ням. illeg.
  • Senecio vernus Biv., 1806

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 121. — 160 с. — 2 350 экз.
  4. Federowski M. Lud Bialoruski na Rusi litewskiej. Krakow, I, 1897
  5. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927

Літаратура[правіць | правіць зыходнік]