Сядзіба Сухадольскіх
Сядзіба | |
Сядзіба Сухадольскіх | |
---|---|
53°16′23″ пн. ш. 24°40′11″ у. д.HGЯO | |
Краіна | Беларусь |
Аграгарадок | Вялікая Рагозніца |
Заснавальнік | Антоні Сухадольскі |
Стан | захавалася часткова |
Сядзіба Сухадольскіх — сядзіба ў вёсцы Вялікая Рагозніца (Мастоўскі раён Гродзенскай вобласці).
Гісторыя[правіць | правіць зыходнік]
Сядзіба забудаваная ў 1791 годзе паводле фундацыі Смаленскага кашталяна Антона Сухадольскага, дабудоўвалася ў XIX стагоддзі.
У сядзібе некалі гасцяваў кароль Станіслаў Аўгуст Панятоўскі, гадаваліся ўнукі Антона Сухадольскага Януар Сухадольскі, вядомы жывапісец-баталіст, удзельнік паўстання 1830 году і яго брат Райнольд Сухадольскі, паэт, аўтар паўстанцкіх песень[1].
Захаваліся парк з двума ставамі і алеяй, сядзібны дом, уязная брама, некалькі мураваных гаспадарчых пабудоваў, непадалёк брамы з левага боку стары склеп. У сядзібе зараз месціцца кіраўніцтва мясцовым сельскагаспадарчым кааператывам, яки носіць імя Адама Міцкевіча.
Архітэктура[правіць | правіць зыходнік]
Сядзіба пабудавана ў стылі класіцызму, аднапавярховая, з порцікам на цэнтральным фасадзе. Ёсць нямала архітэктурных асаблівасцяў, напрыклад, франтон, упрыгожаны гірляндай і карнізам. Раней тут стаялі бронзавыя вазы, але іх, па даведках, знялі яшчэ падчас Першай сусветнай вайны.
Дзесьці пры канцы XIX стагоддзя быў прыбудаваны балкон з калонамі. Пра арыгінальныя інтэр’еры сядзібы мала што вядома[2].
Зноскі[правіць | правіць зыходнік]
- ↑ Вялікая Рагозніца — былое гняздо роду Сухадольскіх(недаступная спасылка). Архівавана з першакрыніцы 6 студзеня 2022. Праверана 6 студзеня 2022.
- ↑ zviazda.by