Токарава поле
Выгляд
Токарава поле — мясцовасць у наваколлі старосцінскага Гомеля. Вядома з «Рэестра рэвізіі гаспадарскай Гомельскай воласці» 1560 г.[1]
З’яўлялася зямельным наданнем святару валатаўской Мікольскай царквы. Згадваецца ў адной звязцы з аб’ектам Камсін (без тлумачэння спецыфікацыі). Гэтая акалічнасць разам з пазнакай меж царкоўнай зямлі ў раёне балота з рачулкай Камсіна на «Генеральным плане Беліцкага павета» 1784 г.[2] даюць падставу суаднесці азначаную мясцовасць з усходняй часткай сучаснага Прудка.
У 1560 г. гэтае наданне лічылася даўнім. Паступленні з Токарава поля вызначаліся як «пашни бочокъ десеть, сеножати возъ десеть», што «по старому при той церкви зоставлено»[1].