Традэсканцыя

Традэсканцыя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Камелінакветныя Сямейства:  Камялінавыя Падсямейства:  Камялінавыя Трыба:  Tradescantieae Падтрыба:  Tradescantiinae Род:  Традэсканцыя
Міжнародная навуковая назва
Tradescantia L., 1753
Сістэматыка на Віківідах Выявы на Вікісховішчы ITIS   39156 NCBI   4741 EOL   17265 GRIN   g:12239 IPNI   90986-3

Традэска́нцыя (Tradescantia) — род кветкавых раслін сямейства Камялінавыя (Commelinaceae). Многія віды — папулярныя пакаёвыя расліны.

Назва

Род быў названы Карлам Лінеем ў гонар бацькі і сына Традэскантаў, англійскіх прыродазнаўцаў, падарожнікаў і калекцыянераў — Джона Традэсканта старэйшага (1570—1638) і Джона Традэсканта малодшага (1608—1662).

Батанічнае апісанне

Шматгадовыя травяністыя вечназялёныя расліны. Сцябло прамастойнае або сцелецца. Лісце простае, суцэльнае, чаргаванае, гладкае або апушанае. Колер лісця бывае зялёны, ліловы-чырвоны. Часам лісце стракатае. Кветкі з трыма пялёсткамі, белыя, блакітныя, ліловыя, ружовыя, адзіночныя ці ў пазушных або верхавінкавых суквеццях. Плод — каробачка.

Распаўсюджанне

Расліны роду распаўсюджаны ў трапічных і субтрапічных абласцях Амерыкі. Многія віды выкарыстоўваюцца ў якасці дэкаратыўных раслін.

Віды

Паводле сайта The Plant List род налічвае 75 відаў. Некаторыя з іх:

• Tradescantia boliviana (Hassk.) J.R.Grant
• Tradescantia cerinthoides Kunth
• Tradescantia fluminensis Vell. — Традэсканцыя прырэчная
• Tradescantia virginiana L. — Традэсканцыя віргінская

Літаратура

• Традэсканцыя // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 474. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Традесканция: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Tradescantia (англ.) // The Plant List