Трой Сіван

Трой Сіван
афр.: Troye Sivan
Дата нараджэння	5 чэрвеня 1995(1995-06-05) (31 год)
Месца нараджэння	Яганэсбург, Яганэсбург, Гаўтэнг[d], ПАР
Грамадзянства	Аўстралія  ПАР
Адукацыя	Carmel School, Perth[d]
Прафесія	акцёр, аўтар-выканаўца, ютубер, кінаакцёр, спявак, кампазітар, музыкант, perfume executive
Кірунак	поп-музыка, інды-поп, сінці-поп, дрым-поп і электрапоп[d]
Узнагароды	Out100[d] (2023) ARIA Music Awards[d] (2016) ARIA Music Awards[d] (2023) APRA Music Awards of 2017[d] BMI London Awards[d] (2022) GLAAD Stephen F. Kolzak Award[d] (2017) MTV Europe Music Award for Artist on the Rise[d] (2015) MTV Europe Music Award for Best Worldwide Act[d] (2016) NewNowNext Awards[d] (2014) Teen Choice Awards (2014) UK Music Video Awards[d] (2023) YouTube Music Awards[d] (2015) GLAAD Media Award for Outstanding Music Artist[d] (2016)
IMDb	ID 2931989
troyesivan.com (англ.)
Медыяфайлы на Вікісховішчы

Трой Сіван Мелет (англ.: Troye Sivan Mellet; нар. 5 чэрвеня 1995(1995-06-05), Яганэсбург) — аўстралійскі акцёр , відэаблогер і спявак.

Біяграфія

Нарадзіўся ў яўрэйскай сям’і ў ПАР, у 1997 годзе яго сям’я пераехала ў Аўстралію. Трой атрымаў дамашнюю адукацыю. Станам на 2014 год, жыве з бацькамі ў Перце. У сям’і акрамя яго яшчэ трое дзяцей. Сіван — яго сярэдняе імя, ён ужывае яго як свой сцэнічны псеўданім.

Кар’ера

Акцёрская

У 2007 годзе Трой дэбютаваў як тэатральны акцёр у ролі Олівера Твіста. У лютым 2008 года сыграў юнага Джэймса Хоўлета ў фільме «Людзі Ікс: Пачатак. Расамаха», запрошаны на гэтую ролю пасля таго, як агенты кастынгу прагледзелі шэраг відэаролікаў з ім.

Год	Арыгінальная назва	Пераклад на беларускую мову	Роль
2009	X-Men Origins: Wolverine	Людзі Ікс: Пачатак. расамаха	Малады Джэймс
2010	Betrand The Terrible	Бэртран Грозны	Айс
2010	Spud	Малёк	Джон «Малёк» Мільтан
2013	Spud 2: The Madness Continues	Малёк 2: Вар’яцтва працягваецца	Джон «Малёк» Мільтан
2014	Spud 3: Learning to Fly	Малёк 3: Вучымся лётаць	Джон «Малёк» Мільтан

Музычная

Музычная кар’ера Сівана пачалася ў 2006 годзе. Трой спяваў на тэлемарафоне Channel Seven Perth ў 2006, 2007 і 2008 гадах. У 2006 ён праспяваў у дуэце з пераможцам конкурсу «Australian Idol» Гаем Себасцьянам. Яго дэбютны незалежны альбом быў выпушчаны ў лютым 2008 года і змяшчаў пяць песень. У лютым 2010 года сваёй песняй адкрыў дабрачынны канцэрт «We Are The World 25 for Haiti», які мае мэтай збор грошай для ахвяр землятрусу на Гаіці.

Трой запісвае каверы на песні вядомых выканаўцаў, а таксама складае песні сам. Адной з яго самых вядомых кампазіцый з’яўляецца песня «The Fault In Our Stars», музыку і словы да якой ён самастойна напісаў. Песня была натхнёная аднайменнай кнігай Джона Грына.

У ліпені 2014 Трой выпусціў сінгл «Happy Little Pill» у падтрымку свайго першага афіцыйнага міні-альбома TRXYE. Рэліз міні-альбома, які складаецца з 5 песень, адбыўся 15 жніўня на мэйджар-лэйбле Universal. На сінгл «Happy Little Pill» таксама быў зняты відэакліп, прадстаўлены за некалькі дзён да рэлізу самога EP.

У сакавіку 2015 Сіван атрымаў прэмію «YouTube Music Awards 2015», увайшоўшы ў лік 50 выканаўцаў, якія сталі найбольш папулярнымі на YouTube ў папярэднім годзе.

26 ліпеня 2015 года Трой анансаваў свой дэбютны альбом «Wild», які складаецца з 6 трэкаў. Рэліз альбома адбыўся 4 верасня. У гэты ж дзень у падтрымку дыска быў выпушчаны аднайменны кліп (усяго запланавана серыя з 3 відэа).

Блогерская

У верасні 2012 года Трой пачаў ствараць штотыднёвыя відэаблогі на папулярным відэасэрвісе YouTube. Па стане на верасень 2015 года, Трой мае больш 3.500.000 падпісчыкаў, а яго відэа маюць звыш 200-ці мільёнаў праглядаў. Яго канал на YouTube уваходзіць у топ-20 самых прагляданых каналаў Аўстраліі.

Асабістае жыццё

7 жніўні 2010 года Трой прызнаўся сваёй сям’і ў тым, што ён гей. Роўна праз тры гады ён зрабіў публічны камінг-аўт, выклаўшы адпаведнае відэа ў Інтэрнэце.

Дыскаграфія

Студыйныя альбомы

• Blue Neighbourhood (2015)
• Bloom (2018)
• Something to Give Each Other (2023)

Спасылкі

• На Вікісховішчы ёсць медыяфайлы па тэме Трой Сіван
• Афіцыйны вэб-сайт (англ.)