Тува Семінгсен

Тува Семінгсен
Дата нараджэння	13 студзеня 1975(1975-01-13) (49 гадоў)
Краіна	Нарвегія
Дзеці	Herman Knop[d]
Альма-матар	Norwegian Academy of Music[d] Operaakademiet[d]
Музычная дзейнасць
Прафесіі	оперная спявачка
Інструменты	вакал
Жанры	опера
tuva.dk

Тува Семінгсен (нарв.: Tuva Semmingsen, нар. 13 студзеня 1975) — нарвежская спявачка (меца-сапрана, каларатура).

Біяграфія

Тува Семінгсен нарадзілася ў Нарвегіі. Навучалася ў Нарвежскай музычнай акадэміі ў Осла і Акадэміі оперы ў Капенгагене.

Яна дэбютавала ў 1999 годзе ў Каралеўскім тэатры Даніі ў ролі Керубіна ў Жаніцьбе Фігара. З 2000 па 2016 год працавала ў Каралеўскім тэатры і спявала ў операх «Юлій Цэзар» Гендэля ў ролі Секста Пампея, у «Папялушцы» Расіні ў ролі Анджэліны, у «Севільскім цырульніку» Расіні ў ролі Разіны, у Партэнопе Гендэля ў ролі Патрыі Разміры.

Тува таксама выступала ў Глайндборнскім оперным фестывалі (Усходні Сусекс, Вялікабрытанія), у Стакгольмскай каралеўскай оперы (Швецыя), Нацыянальнай оперы Латарынгіі, Рэймскай оперы, Лільскай оперы (Францыя), Нарвежскай оперы. У 2017 годзе яна прыняла ўдзел у пастаноўцы камічнай оперы «Kveiteprinsen» у Кілдэнскім тэатры і Канцэртным холе Крысціянсана.

Тува захапляецца джазам. У 2014 годзе яна выпусціла ў сучаснай джазавай інтэрпрэтацыі шэраг шырока вядомых песень. У якасці запрошанай спявачкі яна выступала з Дацкім нацыянальным сімфанічным аркестрам у 2018 годзе пад кіраўніцтвам дырыжоркі Сары Хікс з праграмай музычных тэм з шэрагу кінакарцін: спагеці-вестэрны «доларавай трылогіі» і гангстарскія фільмы.

Тува была запрошанай артысткай у чэрвені 2020 года ў дацкім прадстаўленні «Divas and Diamonds» з музыкантамі Дацкага нацыянальнага сімфанічнага аркестра, «DR Big Bandet» і «DR VokalEnsemblet».