Узбекскі рэспубліканскі лялечны тэатр

З пляцоўкі Вікіпедыя
Jump to navigation Jump to search
Рэспубліканскі лялечны тэатр
узб.: Respublika qo'g'irchoq teatri
A0444.jpg
Тып тэатра лялечны тэатр
Заснаваны 25 снежня 1939
Будынак тэатра
Адрас Узбекістан, г. Ташкент, пр. Афрасіаб, 1 (Якасарайский раён)
Кіраўніцтва
Дырэктар Дзінара Юлдашава
Галоўны рэжысёр Дзінара Юлдашава

Рэспубліканскі лялечны тэатр (узб.: Respublika qo'g'irchoq teatri) — лялечны тэатр у Ташкенце, Узбекістан.

Гісторыя тэатра[правіць | правіць зыходнік]

У1928 годзе была адкрыта лялечная студыя «Пятрушка» пры першым у Сярэдняй Азіі тэатры Юнага гледача, якую ўзначальваў Ташпулат Даніяраў(узб.) бел.. Пасля 10 гадоў паспяховай працы з рускім тэатрам лялек пры Палацы піянераў студыя стала асновай першай трупы Рэспубліканскага тэатра лялек[1].

Рэспубліканскі лялечны тэатр быў заснаваны ў канцы 1939 года і размяшчаўся ў будынку праваслаўнага Іосіфа-Георгіеўскага сабора(руск.) бел. ў Ташкенце. Першым спектаклем быў «Вялікі Іван» С. Абразцова(руск.) бел. і С. Праабражэнскага, пастаўлены І. Ліёзіным, Н. Рахімавым і. М. Яфімавым. У 1979 годзе тэатр пераехаў у новы будынак, які быў пабудаваны на праспекце Касманаўтаў. У момант перасялення тэатру споўнілася 40 гадоў.

У тэатры размешчаны музей лялек, дзе сабраны экспанаты з усяго свету. У музеі былі прадстаўлены лялькі з дрэва і скуры, яванскія лялькі, марыянеткі з Бірмы. Адным з набыткаў музея стаў «Палван» — узбекскі нацыянальны герой пачатку XX стагоддзя.

Тэатр 30 гадоў знаходзіўся ў Міжнародным саюзе лялечных тэатраў (УНІМА)(руск.) бел.. Яго трупа наведала многія краіны свету з гастролямі, дзе ставіліся спектаклі на роднай мове дзяржавы. Тэатр пабываў у такіх краінах як Германія, Францыя, ЗША, Балгарыя, Турцыя, Паўднёвая Карэя, Егіпет, Індыя, Афганістан, Пакістан, Бірма і Расія.

Сумесна з Тэатрам лялек(укр.) бел. горада Габрава былі пастаўлены такія спектаклі як «Сонечны хлопчык» М. Асенава, «Белая казка» В. Пятрова, «Сімург» і «41 муха Хаджы Насрэдзіна».

У 1993 годзе з прыходам Шамурата Юсупава ў тэатры ажыццяўляецца пастаноўка «Хасан — шукальнік шчасця». Я. Спяранскага(руск.) бел., якая ўдастоілася прыза «За лепшы спектакль года» на чацвёртым Рэспубліканскім фестывалі ў Андыжане.

У рэпертуары тэатра было больш за 20-і п'ес на аснове знакамітых класічных казак: «Папялушка», «Залаты Ключык», «Бураціна», «Агністы клінок», «Чароўная лямпа Аладзіна», «Дзяўчынка з запалкамі», «І зноў Андэрсан» і іншых[2].

Дасягненні тэатра[правіць | правіць зыходнік]

  • Рэспубліканскі Лялечны тэатр станавіўся шматразовым пераможцам Рэспубліканскіх фестываляў[3].
  • У 1999 годзе атрымаў Міжнародную ўзнагароду «За высокі прафесіяналізм і эстэтычнае выхаванне юных пакаленняў» у горадзе Мехіка.
  • Спектакль «Семург» быў узнагароджаны спецыяльнай прэміяй Міністэрства культуры СССР на 1 фестывалі тэатраў лялек Сярэдняй Азіі.
  • «Алдар Касэ» быў узнагароджаны дыпломам «Усесаюзнага фестывалю тэатральнага мастацтва народаў СССР»[4].
  • «Хасан — шукальнік шчасця». Я. Сперанскага атрымліваў прыз «За лепшы спектакль года» на чацвёртым Рэспубліканскім фестывалі ў г. Андыжане.

Гастролі і міжнародныя праекты «Рэспубліканскага лялечнага тэатра»[правіць | правіць зыходнік]

2003 год — Другі Міжнародны фестываль тэатра і кіно імя С. У. Абразцова ў Маскве: спектакль «І зноў Андэрсен…» Д. Юлдашавай. Гэты спектакль быў адабраны на 6-ы Міжнародны фестываль «Арт-Візіт» ў горадзе Краснадары.

2004 год — Спектакль «І зноў Андэрсен…» адкрыў Краснадарскі фестываль тэатраў лялек.

2004 год — Міжнародны фестываль у Каіры: Канцэрт «Асалам, Наўруз!» М. Ашуравай.

2004 год — Фальклорны фестываль у Пакістане: Канцэрт «Асалам, Наўруз!» М. Ашуравай.

Зноскі

  1. Республиканский Театр Кукол. Afisha.uz. Праверана 11 красавіка 2016.
  2. Кукольный театр Узбекистана - Республиканский Театр Кукол. puppettheatre.ru. Праверана 11 красавіка 2016.
  3. Республиканский Кукольный Театр. Театры Ташкента. История и описание. Праверана 11 красавіка 2016.
  4. Республиканский Кукольный Театр. welcomeuzbekistan.uz. Праверана 11 красавіка 2016.