Уладзімір Іванавіч Рамашкін

З пляцоўкі Вікіпедыя
Jump to navigation Jump to search
Уладзімір Рамашкін
Поўнае імя Рамашкін Уладзімір Іванавіч
Дата нараджэння 6 верасня 1951(1951-09-06)
Месца нараджэння
Дата смерці 29 жніўня 2002(2002-08-29) (50 гадоў)
Месца смерці
Краіна Flag of Russia.svg Расія
Альма-матар
Музычная дзейнасць
Прафесіі спявак, музыкант, танцоўшчык, музычны прадзюсар, кінапрадзюсар
Інструменты голас[d]
Жанры фолк, джаз,поп, танцавальная музыка
Псеўданімы Ёўлань Ола
Калектывы Торама
Torama.RU

Уладзімір Іванавіч Рамашкін (эрз.: Йовлань Оло[1][2]; 6 верасня 1951, Дубенскі раён, Мардоўская ССР, СССР — 29 жніўня 2002 Саранск) — дзеяч макшанскага, каратайскага, церуханскага і эрзянскага культурнага адраджэння канца XX стагоддзя, фалькларыст, музыкант, кінадакументаліст. Эрзя[2].

Біяграфія[правіць | правіць зыходнік]

У 1975 годзе Уладзімір Рамашкін скончыў дырыжорска-харавое аддзяленне Саранскага музычнага вучылішча імя Л. П. Кірукова (клас кандыдата мастацтвазнаўства Мікалая Іванавіча Баяркіна), у 1980 годзе — дырыжорска-харавы факультэт Казанскай кансерваторыі (клас педагога Аляўціны Уладзіміраўны Булдаковай), у 1986 — аспірантуру пры НДІМЛГЭ (сектар фальклору і мастацтва).

У 1980 - 1989 гадах з'яўдляўся быў навуковым супрацоўнікам сектара фальклору і мастацтва Мардоўскага навукова-даследчага інстытута мовы, літаратуры і гісторыі. У 1986 годзе выйшла яго манаграфія «Пра некаторыя асаблівасці традыцыйнага песеннага мастацтва мардвы-каратаяў»[3][4], у якой апісаў фальклор каратайскіх сёлаў у Татарскай АССР. Пазней Уладзімір Рамашкін выступіў як сцэнарыст і кінематаграфіст, пры яго ўдзеле былі створаны дакументальныя фільмы «Каратаі» (руск.: Каратаи)[5] і «Вытокі» (руск.: Истоки). Здымаўся ў музычнай тэлестужцы "Пра што спявае «Торама»" (руск.: О чем поет «Торама»). З 1990 выкладаў музычныя дысцыпліны ў Рэспубліканскім вучылішчы культуры ў Саранску.

Найбольш вядомая праца Уладзіміра Рамашкіна — стварэнне этнамузычнага гурта Торама[2], у рэпертуар якой увайшлі эрзянскія, макшанскія, каратайскія песні. Рэпертуар гурта аб'ядноўваў традыцыі розных этнаграфічных груп, што насяляюць мардоўскі край. Гурт быў часткова сямейным: да актыўнага ўдзелу ў ім Уладзімір Рамашкін прыцягнуў сваіх сыноў — Віталя і Андрэя.

У апошнія гады жыцця, у кантакце з рускім рэканструктарскім рухам, Уладзімір Рамашкін узначаліў маладзёжны рух «Од Вий» (Новая сіла).

Гурт Торама працягвае канцэртаваць і запісваць альбомы.

Узнагароды[правіць | правіць зыходнік]

  • Заслужаны дзеяч культуры Рэспублікі Мардовія.
  • Кавалер ордэна Крыж Святой Марыі[6] за вялікі ўнёсак у развіццё і распаўсюджванне фіна-ўгорскай культуры ў свеце (7 сакавіка 2001).
  • Лаўрэат прэміі імя А. П. Рабава за ўнёсак у захаванне і развіццё эрзянскай мовы (2002)

Музей Уладзіміра Рамашкіна[правіць | правіць зыходнік]

«Этна-Куда» імя У. І. Рамашкіна (с. Падлесная Таўла, Мардовія)

6 верасня 2006 года (ва ўгодкі 55-годдзя музыканта) у сяле Падлесная Таўла Качкураўскага раёна Мардовіі адкрыўся ўнікальны дом-музей «Этна-Куда» імя У. І. Рамашкіна[7]. У 1989 годзе, тады яшчэ малады, нікому не вядомы музыкант набыў невялікі дамок у сяле, палюбіўшы яго, ягоных добрых, простых жыхароў і навакольную прыроду з першага позірку. Быўшы ўжо вядомым фалькларыстам ён марыў пра этна-турыстычны маршрут у гэтае сяло, бо яно вядома як цэнтр эрзянскай традыцыі разьбы па дрэве. Штогод праводзіцца фальклорны фестываль старажытнай эрзянскай і макшанскай песні «Торамась терди»[8] прысвечаны дню нараджэнню Уладзіміра Іванавіча Рамашкіна.

Зноскі

  1. Мир глухих и слабослышащих Республики Мордовия. // Поездка в Подлесную Тавлу…(руск.) 
  2. 2,0 2,1 2,2 «Эрзянь Мастор» // Звезда упала — свет её остался. Жизненный и творческий путь Йовлань Оло(руск.) , Шаблон:Ref-myv
  3. Ромашкин В.И. О некоторых особенностях традиционного песенного искусства мордвы-каратаев // Фольклор в творчестве мордовских писателей и композиторов / Тр. МНИИЯЛИЭ. Вып. 86. – Саранск, 1986.(руск.) 
  4. Merja SALO. Katoava mordvalainen identiteetti – karatait ja Saratovin alueen ersäläiset (фін.) 
  5. Мордовия музыкальная // Музыкальный фольклор мордвы-каратаев (руск.) 
  6. Известия Мордовии//В Мордовии почтили память Владимира Ромашкина(руск.) 
  7. Евдокимова Т. Его «Торама» звучит на весь мир. // Вперед. Атяшевского района. – 14 сентября. – С. 4.
  8. ЭТНОТУРИЗМ В МОРДОВИИ: ПЯТЬ МЕСТ, КОТОРЫЕ ОБЯЗАТЕЛЬНО СТОИТ ПОСЕТИТЬ ТУРИСТАМ!

Спасылкі[правіць | правіць зыходнік]


Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.