Уільям Уілкінс

Уільям Уілкінс
William Wilkins
Дата нараджэння:	31 жніўня 1778(1778-08-31)
Месца нараджэння:	Норыдж
Дата смерці:	31 жніўня 1839(1839-08-31) (61 год)
Месца смерці:	Лондан
Альма-матар:	Norwich School[d] Гонвіл і Гай-каледж[d]
Працы і дасягненні
Член у:	Лонданскае каралеўскае таварыства Каралеўская акадэмія мастацтваў
Працаваў у гарадах:	Лондан
Найважнейшыя пабудовы:	Лонданская Нацыянальная галерэя Універсітэцкі каледж Лондана
Узнагароды:	член Лонданскага каралеўскага таварыства
Уільям Уілкінс на Вікісховішчы

Уільям Уілкінс (англ.: William Wilkins; 31 жніўня 1778, Норыдж — 31 жніўня 1839, Лондан) — англійскі архітэктар і археолаг, член Каралеўскай Акадэміі мастацтваў.

Жыццё і творчасць

У. Уілкінс з'яўляўся прадстаўніком класіцызму ў архітэктуры. Ён нарадзіўся ў заможнай сям'і, яго бацька быў кіраўніком будаўнічай кампаніі. Адукацыю Уільям атрымаў у Кембрыджскім універсітэце. Паміж 1804 і 1807 гадамі падарожнічаў па Грэцыі, Турцыі, Паўднёвай Італіі; ён публікуе нататкі па класічнай і гатычнай архітэктуры. У паездках яго суправаджае італьянскі мастак Агасціна Агліа. Падчас сваіх падарожжаў Уілкінс збірае археалагічную калекцыю, а ў 1807 годзе выходзіць у свет яго праца «Антычныя помнікі Вялікай Грэцыі», упрыгожаная ілюстрацыямі А. Агліа.

Ёркшырскі музей

Лонданскі ўніверсітэцкі каледж

У.Уілкінс пабудаваў у класічным, неа-грэчаскім стылі Даўнінг-каледж у Кембрыджы (1805-20), будынак Каралеўскага тэатра ў Беры-Сент-Эдмендс (1819), Універсітэцкі каледж Лондана (1825-32), Ёркшырскі музей (1830).

З яго прац у гатычным стылі варта адзначыць Кінгс-Каледж, Трыніці-Каледж і Корпус Крысці-Каледж у Кембрыджы. Найбольш вядомае са збудаванняў, збудаваных У.Уілкінсам — будынак Лонданскай Нацыянальнай галерэі (1838).

Сачыненні

• Antiquities of Magna Graetia (1807)
• Atheniensia (1816)
• Civil Architecture of Vitruvius (1812, 1817)
• Prolusiones Architectonicae (1837).

Спасылкі

• На Вікісховішчы ёсць медыяфайлы па тэме Уільям Уілкінс

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.