ФК Стандард Льеж

З пляцоўкі Вікіпедыя
Стандард Льеж
Поўная назва Royal Standard de Liège
Заснаваны 1898
Горад Льеж, Бельгія
Стадыён Марыс Дзюфран
Умяшчальнасць: 27 670
Галоўны трэнер
Чэмпіянат Першы дывізіён A
2021/22 14 месца
Сайт Афіцыйны сайт
Форма
Асноўная
форма
Форма
Гасцявая
форма

«Стандард» (нідэрл.: Standard) — бельгійскі футбольны клуб з горада Льеж. Заснаваны ў 1898 годзе. 10-разовы чэмпіён Бельгіі, васьміразовы ўладальнік Кубка Бельгіі. Хатнім стадыёнам клуба з’яўляецца арэна «Марыс Дзюфран», якая ўмяшчае 27 670 гледачаў.

Гісторыя[правіць | правіць зыходнік]

Матч на Кубак УЕФА супраць люксембургскага клуба «Кер’енга»

Клуб быў створаны студэнтамі каледжа Святога Сервацыя ў 1900 годзе. У тыя часы ў Льежы існаваў толькі адзіны футбольны клуб, які насіў назву гораду — «Льеж». За «Льеж» тады заўзелі ў асноўным знатныя і заможныя мяшчане. Фактычна ў процівагу гэтаму клубу і быў створаны «Стандард», названы па тыпу папулярнага тады французскага клуба «Стандард дэ Парыж».

Да 1909 года клуб выступаў у другім дывізіёне чэмпіянату Бельгіі. Але пасля пераезду на новую арэну «Sclessin» «Стандард» здолеў выйсці ў першы дывізіён Бельгіі.

Падчас Першай сусветнай вайны клуб пазбавіўся 20 сваіх ігракоў. І пасля заканчэння вайны кіраўніцтва пачало ствараць новую каманду. Быў выкуплены стадыён, сабраная новая каманда з новым трэнерам. Але да Другой сусветнай вайны клуб не змог дамагчыся сур’ёзных поспехаў, становячыся толькі тройчы віцэ-чэмпіёнам Бельгіі.

Толькі праз 60 гадоў пасля свайго заснавання «Стандард» стаў лепшым клубам Бельгіі, шмат у чым дзякуючы кіраўніцтву клуба ў асобе Ражэ Пеці і Поля Энрара. На працягу 1960-х і 1970-х гадоў «Стандард» быў адным з лідараў бельгійскага футбола нароўні з «Бругэ» і «Андэрлехтам». Вяршыні клуб дасягнуў у пачатку 1980-х гадоў, атрымаўшы перамогу ў Кубку Бельгіі ў 1981 годзе і двойчы запар чэмпіёнскі тытул у 1982 і 1983 гадах, а таксама выйшаўшы ў фінал Кубка ўладальнікаў Кубкаў у 1982 годзе, дзе атрымаў паражэнне ад «Барселоны» з лікам 1:2. Гэты фінал стаў самым вялікім дасягненнем клуба на міжнароднай арэне.

Аднак праз некаторы час, у 1984 годзе, быў выяўлены факт дамоўных матчаў, у якіх было замяшана кіраўніцтва «Стандарда». Наймацнейшыя ігракі каманды былі дыскваліфікаваныя, а клуб атрымаў сур’ёзныя санкцыі. Каля дзесяці гадоў спатрэбілася камандзе, каб акрыяць ад такога здарэння, і ў 1993 годзе клуб заняў другое месца ў чэмпіянаце.

Паводле вынікаў сезона 2007/08 клуб заняў першае месца ў чэмпіянаце Бельгіі, упершыню за 25 гадоў, а на наступны год выйграў другі чэмпіёнскі тытул запар.

Склад[правіць | правіць зыходнік]

Станам на люты 2023 года.

Паз. Імя Нар.
2 Бельгія Аб Гілес Дэваэле 1996
3 Бельгія Аб Натан Нгой 2003
5 Бельгія Аб Александра Калю 2003
6 Бельгія Аб Наэ Дзюсен (капітан) 1992
8 Боснія і Герцагавіна ПА Гойка Цымірат 1992
9 Бельгія Нап Рэно Эмон 1991
10 Нідэрланды Нап Наа Агая 2003
11 Нарвегія ПА Арон Дзёнум 1998
13 Злучаныя Штаты Амерыкі Аб Марлан Фосі 1998
14 Калумбія ПА Стывен Альсатэ 1998
16 Бельгія Бр Арно Бадар 1998
17 Ізраіль Нап Ашэр Давіда 2001
Паз. Імя Нар.
20 Дэмакратычная Рэспубліка Конга ПА Мервей Бакадзі 1992
21 Італія ПА Філіпа Мелегоні 1999
22 Дэмакратычная Рэспубліка Конга ПА Уільям Баліквіша 1999
28 Харватыя Нап Сціпэ Перыца 1995
30 Бельгія Бр Ларан Энкінэ 1992
34 Рэспубліка Кіпр Аб Канстантынас Лайфіс 1993
38 Данія Аб Якаб Барэт Лаўрсен 1994
51 Бельгія Аб Люка Нубі 2005
61 Бельгія Нап Джыхан Чанак 2005
77 Данія Нап Філіп Цынкернагель 1994
Бельгія Аб Ібэ Аўтэкет 2002

Зноскі

Спасылкі[правіць | правіць зыходнік]