Фаворкі (кандытарскі выраб)

Аўтарства
Краіна паходжання	Польшча
Медыяфайлы на Вікісховішчы

Фаво́ркі (польск.: Faworki) — традыцыйны літоўскі, польскі і нямецкі (ням.: Raderkuchen, Liebesschleifen) кандытарскі выраб з бездражджавога цеста.

Апісанне

Гатуюць фаворкі на вялікія святы, найчасцей у карнавал, тлусты чацвер, запусты ці на аўторак перад Папяльцовай серадой. Маюць выгляд складзенай кукарды, салодкі смак.

Прыгатаванне

Цеста на фаворкі павінна змяшчаць пшанічную муку, багата жаўткоў ці яек, крыху масла ці маргарыну, цукар, спірт ці воцат для разрыхлення.

Цеста раскатваюць, складаюць і зноў раскатваюць некалькі разоў, пакуль не выйдуць паветраныя бурбалкі. Пазней ахалоджанае цеста наразаюць на прамавугольнікі з надрэзамі пасярэдзіне. Праз іх складзеныя напалам палоскі скручваюць у падабенства „кукарды“ і смажаць у кіпячым шмальцы альбо алеі. Выніковае печыва павінна атрымацца далікатным і крохкім.

Гл. таксама

• Хрушчы

Спасылкі

• Рэцэпт польскіх фаворкаў (польск.)