Фелікс Каратынскі

Фелікс Каратынскі
Фелікс Каратынскі
Род дзейнасці	драматург
Дата нараджэння	18 мая 1718
Дата смерці	30 жніўня 1769 (51 год)
Месца працы	Крожскі езуіцкі калегіум; Віленская езуіцкая акадэмія; Пултускі езуіцкі калегіум[d]; Дарагічынскі езуіцкі калегіум[d]; Варшаўскі езуіцкі калегіум;
Альма-матар	Віленская езуіцкая акадэмія;

Фелікс Каратынскі (18 мая 1718 — 30 жніўня 1769) — дзеяч каталіцкай царквы, драматург.

Біяграфія

У 1733 годзе ўступіў у Вільні ў ордэн езуітаў, з 1746 ксёндз. Вывучаў у Вільні філасофію (1736-39) і тэалогію (1743-47). Прафесар рыторыкі ў Крожах (1748-49), Вільні (1749-50, 1753-54), Пултуску (1751-52), Дарагічыне (1752-53). Выкладаў філасофію ў «Collegium Nobilium» у Варшаве (1754-56) і Вільні (1756-59), тэалогію ў Варшаве (1759-62). Пракуратар Літоўскай правінцыі ордэна езуітаў (1762-63), рэктар Дарагічынскага калегіума (1767-69).

Выдаў трагедыю «Чэснасць служыць справядлівасці» (Innocentia pietate servata) у Вільні (1750). Захаваліся яго рукапісныя лекцыі па тэалогіі.

Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.