Формула Рэзерфарда

Фо́рмула Рэ́зерфарда — выраз, які вызначае эфектыўнае сячэнне рассеяння нерэлятывісцкіх зараджаных кропкавых часціц, якія ўзаемадзейнічаюць паводле закону Кулона.

У сістэме цэнтра інерцыі сутыкнутых часціц формула Рэзерфарда мае выгляд

${\frac {d\sigma }{d\Omega }}=\left({\frac {Z_{1}Z_{2}e^{2}}{2mv^{2}}}\right)^{2}{\frac {1}{\sin ^{4}(\theta /2)}},$

дэе dσ/dΩ — сячэнне рассеяння ў адзінкавы прасторавы вугал, θ — вугал рассеяння, m=m₁m₂/(m₁+m₂) — прыведзеная маса, m₁ і m₂ — масы сутыкнутых часціц і v — іх адносная скорасць, Z₁e і Z₂e — электрычныя зарады гэтых часціц, e — элементарны электрычны зарад.

Формула атрымана Э. Рэзерфардам пры аналізе доследаў па рассеянні α-часціц (1911) і адыграла вызначальную ролю пры фарміраванні навуковых уяўленняў аб будове атамаў.

Літаратура

• Рэзерфарда формула // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн.: БелЭн, 2001. С. 559.

Спасылкі

• Резерфорда формула // Физическая энциклопедия.