Фо (суп)
Фо (в'етн. Phở) — страва в'етнамскай кухні, суп з локшынай, у які пры сервіроўцы дадаюць ялавічыну або кураціну, часам кавалачкі смажанай рыбы або рыбныя шарыкі. У першым выпадку страва носіць назву фо бо (в'етн. phở bò), а ў другім — фо га (в'етн. phở gà),[1] у трэцім — фо ка (в'етн. phở cá). Локшыну для супу звычайна робяць з рысавай мукі. Страву ўпрыгожваюць азіяцкай разнавіднасцю базіліка, мятай, лаймам і праросткамі бабоў мунг. Страва асацыюецца з Ханоем, дзе ў 1920-х адкрыўся першы рэстаран фо.
Гісторыя[правіць | правіць зыходнік]
Фо з'явіўся ў пачатку XX стагоддзя ў паўночнай частцы В'етнама.[2] Верагодна, фо з'явіўся на паўднёва-захадзе ад Ханоя, у Намдзінь,[3] і на яго з'яўленне паўплываў французскі каланіяльны ўрад (да яго каровы лічыліся працоўнымі жывёламі, і ў ежу іх не выкарыстоўвалі).[2][4] Першапачаткова фо прадавалі ў скрынках, а ў 1920-х у Ханоі адкрыўся першы рэстаран, які спецыялізуецца на фо.[4]
Фо, прыгатаваны з ялавічынай, з'явіўся каля 1930 года. Фо з курацінай з'явіўся ў 1939 годзе, магчыма, таму, што ялавічына не прадавалася на рынках па панядзелках і пятніцах у той час.[5]
Пасля падзелу В'етнама ў 1954 годзе, больш за мільён чалавек збеглі ў Паўночны В'етнам на поўдзень. Фо, раней непапулярны на поўдні, стаў карыстацца попытам.[6] Новыя змены ў мясе і булёне, а таксама дадатковыя гарніры, такія як лайм, парасткі фасолі, в'етнамскі базілік (húng quế), і соус хойсін (tương đen), не будучы болей абмяжоўванымі паўночнымі кулінарнымі традыцыямі, сталі звычайнай ежай.[2][6]
Верагодна, самая ранняе згадка пра фо ў еўрапейскіх краінах знаходзіцца ў кнізе 1935 года «Рэцэпты народаў свету» (англ.: Recipes of All Nations) аўтарства графіні Морфі. У кнізе фо апісваецца як «анамскі суп, які падаецца высокім гасцям, … гатуецца з ялавічыны, цялячых костак, цыбулі, лаўровага ліста, солі і перцу і ныокмама».[7]
Падчас Вайны ў В'етнаме бежанцы распаўсюдзілі фо па ўсім свеце. Асабліва папулярны ў буйных гарадах са значнай колькасцю в'етнамскага насельніцтва, напрыклад, у Парыжы, на заходнім узбярэжжы Канады (Ванкувер, Вікторыя),[8] у Тэхасе , Новым Арлеане, у Арланда, Фларыдзе[9] і ў Вашынгтоне; у імігранцкіх заходніх раёнах Сіднэя і Мельбурна. У 2011 годзе фо названы кампаніяй CNN 28-й самай смачнай стравай свету (англ.: World's 50 most delicious foods).[10]
Зноскі
- ↑ Johnathon Gold Pho Town; Noodle stories from South El Monte Dec. 12-18 2008 LA Weekly
- ↑ 2,0 2,1 2,2 Nguyen, Andrea Q.. History of Pho Noodle Soup (недаступная спасылка). San Jose Mercury News, reprinted at Viet World Kitchen. Архівавана з першакрыніцы 11 верасня 2012. Праверана 12 студзеня 2017.
- ↑ The Origins of Pho. Phofever.com. Архівавана з першакрыніцы 11 верасня 2012. Праверана 12 студзеня 2017.
- ↑ 4,0 4,1 «Why is Pho Top Dish» Архівавана 28 ліпеня 2009., Saigon Times Weekly, No. 10. December 2004, reprinted at Pho 24 website.
- ↑ Trịnh Quang Dũng. Phở muôn màu muôn vẻ(нявызн.) . Báo Khoa Học Phổ Thông. Ho Chi Minh City Union of Science and Technology Associations (15 студзеня 2010). Архівавана з першакрыніцы 3 сакавіка 2016. Праверана 12 студзеня 2017.
- ↑ 6,0 6,1 An Chi. Lai lịch của món phở và tên gọi của nó(нявызн.) , An Ninh Thế Giới, Vietnam Ministry of Public Security (15 чэрвеня 2010). Праверана 12 студзеня 2017.
- ↑ Morphy, Marcelle (countess) (1948). Recipes of all nations. New York: Wm. H. Wise & Co.. p. 802.
- ↑ «For Fantastic Pho, The Proof is in the Soup», Georgia Straight. April 2008.
- ↑ [1] «Area Neighborhoods — a Snapshot Of Orlando’s History and Vitality»
- ↑ CNN Go. World’s 50 most delicious foods Архівавана 8 кастрычніка 2011.. 21 ліпеня 2011. Праверана 12 студзеня 2017.
Спасылкі[правіць | правіць зыходнік]
На Вікісховішчы ёсць медыяфайлы па тэме Фо (суп)- Інтэрв'ю пра фо з поварам в'етнамскага кафэ
- Bloom, Dan. «What’s that Pho? — French loan words in Vietnam hark back to the colonial days» // Taipei Times, 29.05.2010
- Pho Ha Noi Архівавана 1 сакавіка 2012. // VietnamWiki.net. «Pho Hanoi», Vietnam Travel Wiki,December 28, 2009
- Lam, Andrew. Surprising locations to find phở, «Pho», All Things Considered, National Public Radio, September 2, 1999
- Norris, Michele. «From Pho to Fast Food, an Immigrant’s Tale», All Things Considered, National Public Radio, February 6, 2007 Biography of Bich Minh Nguyen
- Prakash, Snigdha. «Pho Sells», Morning Edition, National Public Radio, June 3, 2002. Campbell soup markets phở
- Sullivan, Michael. «Vietnamese Pho Chain Takes on U.S. Competition», Morning Edition, National Public Radio, March 20, 2007. Introduction of chain restaurant in the USA
- Vietnam Food. Different types of Pho and famous Pho restaurants in Hanoi. Pho (Noodle Soup) — Introduction
- The Price Tag on the World’s Most Expensive Bowl of Soup? $5,000
