Хамгён-Пукто

З пляцоўкі Вікіпедыя
Jump to navigation Jump to search
Хамгён-Пукто
кар. 함경북도, 咸鏡北道
Краіна
Уваходзіць у
Адміністрацыйны цэнтр
Дата ўтварэння 1896
Плошча
  • 20 345 км²
Хамгён-Пукто на карце
Хамгён-Пукто, карце
Часавы пояс UTC+08:30
Код ISO 3166-2 KP-09
Commons-logo.svg Хамгён-Пукто на Вікісховішчы

Хамгён-Пукто (кар. 함경북도, 咸鏡北道) — правінцыя ў КНДР з адміністрацыйным цэнтрам у горадзе Чхонджын. На поўначы правінцыі вылучаны адмысловы гісторыка-культурны рэгіён Юкчын («шасціграддзе»), які граў некалі важную абарончую ролю. Практычна ўсё насельніцтва-этнічныя карэйцы. Пераважае хамгёнскі дыялект, таксама вылучаецца асаблівы юкчынскі дыялект, больш блізкі да пхеньянскага[1]. Дадзеная правінцыя з’яўляецца гістарычнай радзімай большасці карэйцаў СНД (карё-сарам). Найбольшая колькасць перасяленцаў да 1895 года прыбыло з рэгіёну Юкчын, затым з паветаў Кільджу і Менчхон[2].

Геаграфія[правіць | правіць зыходнік]

Правінцыя мяжуе з Кітаем, правінцыямі Хамген-Намдо на паўднёвым захадзе і Янгандо на захадзе. З усходу абмываецца Японскім морам. Уздоўж берага мора праходзіць Паўночна-карэйскае цячэнне, таму клімат Хамгена даволі суровы для такой паўднёвай шыраты. Вялікі ўплыў на яго аказваюць мусоны. Суровы клімат і гарысты рэльеф робяць рысасеянне практычна немагчымым. На поўначы натуральнай мяжой з КНР і РФ служыць рака Туманная. У 1993 годзе ад правінцыі аддзяліўся горад Расон, які стаў горадам прамога падпарадкавання. На тэрыторыі правінцыі, усяго ў 189 кіламетрах ад мяжы з Расіяй, знаходзіцца паўночнакарэйскі ядзерны палігон Пунгеры[3].

Адміністрацыйны падзел[правіць | правіць зыходнік]

Хамген-Пукто падзелена на 3 гарады (сі) і 12 паветаў (кун).

Гарады[правіць | правіць зыходнік]

  • Чхонджын (청진시, 淸津市)
  • Хверён (회령시, 會寧市)
  • Кімчхэк (김책시, 金策市)

Паветы[правіць | правіць зыходнік]

Адміністрацыйны падзел на паветы (пасля 1993 года)
  • Хвасон (화성군, 化成郡)
  • Хвадэ (화대군, 花坮郡)
  • Кільджу (길주군, 吉州郡)
  • Кёнсан (경성군, 鏡城郡)
  • Мусан (무산군, 茂山郡)
  • Мёнчхон (명천군, 明川郡)
  • Онсан (온성군, 穩城郡)
  • Оран (어랑군, 漁郞郡)
  • Пурён (부령군, 富寧郡)
  • Сэбёль (새별군, 賽別郡)
  • Ындок (은덕군, 恩德郡)
  • Ёнса (연사군, 延社郡)

Зноскі