Харыпур (горад, Пакістан)

З пляцоўкі Вікіпедыя
Jump to navigation Jump to search
Харыпур
Краіна
Каардынаты
Вышыня цэнтра
520 ± 1 м
Харыпур на карце Пакістана
Харыпур (горад, Пакістан) (Пакістан)
Харыпур (горад, Пакістан)

Харыпур (англ.: Haripur) — горад у Пакістане, размешчаны ў аднайменнай акрузе правінцыі Хайбер-Пахтунхва. За 65 км ад Ісламабада і 35 км ад Абатабада. Малыя рэкі, якія працякаюць праз горад, сілкуюць дамбу Тарбела.

Гісторыя[правіць | правіць зыходнік]

Заснаваны сікхам Хары Сінгхам Налва ў 1822 годзе і стаў сталіцай Хазары (да 1853 года). Хары Сінгх Налва быў прызначаны імператарам сікхаў Ранджытам Сінгхам ў якасці другога назіма Хазары. Першага назіма забілі мясцовыя жыхары.

Харыпур быў пабудаваны як крэпасць, акружаная сцяной (якая была 3,7 метраў таўшчынёй і да 15 м у вышыню, было ўсяго чатыры ўваходы ў горад). Гэта крэпасць пазней стала аддзяленнем гарадской паліцыі. У Харыпуры размешчаны два ўніверсітэты — Адкрыты ўніверсітэт Аламы Ікбала і ўніверсітэт Хазары. У 1867 годзе быў створаны муніцыпалітэт.

У горадзе ўсталяваны абеліск на магіле палкоўніка Канара, еўрапейскага афіцэра артылерыі сікхаў, які загінуў ў 1848 годзе ў баі супраць паўстанцаў Чатара Сінгха.