Свята-Пакроўская царква (Хабовічы)

Праваслаўны храм
Царква Пакрова Прасвятой Багародзіцы
52°03′39″ пн. ш. 24°28′02″ у. д.
Краіна	Беларусь
Вёска	Хабовічы
Канфесія	Беларуская праваслаўная царква
Епархія	Брэсцкая і Кобрынская
Архітэктурны стыль	драўлянае дойлідства
Дата пабудовы	1899 год
Статус	Гісторыка-культурная каштоўнасць Беларусі, шыфр 113Г000450
Стан	дзейнічае
Медыяфайлы на Вікісховішчы

Пакроўская царква — праваслаўны храм у в. Хабовічы (Кобрынскі раён), помнік драўлянага дойлідства.

Гісторыя

Пабудавана на заходняй ускраіне вёскі ў 1899 годзе на месцы папярэдняга храма (па іншых звестках у 1911 г.). У 1987 адрамантавана. Царква дзейнічае.

Архітэктура

Традыцыйны тып праваслаўнага храма з трохчасткавай аб'ёмна-прасторавай кампазіцыяй, якая ўключае шатровую званіцу, крыжападобны ў плане асноўны аб'ём і пяцігранную апсіду з бакавымі алтарамі. Над будынкам узвышаюцца два аднолькавыя светлавыя барабаны, завершаныя шатрамі з цыбулепадобнымі галоўкамі. У аздобе выкарыстаны разныя карнізы, фігурная шалёўка, вуглавыя лапаткі.

Інтэр'ер

Абразы 18—19 ст.: «Віленскія мучанікі», «Георгій Перамоганосец», «Святы Ануфрый».

Літаратура

• «Архітэктура Беларусі. Энцыклапедычны даведнік», Мінск 1993, стар. 475.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Пакроўская царква (Хабовічы)
• Свята-Пакроўская царква (Хабовічы) на сайце Праваслаўная архітэктура Беларусі (бел.)
• Свята-Пакроўская царква (Хабовічы) на сайце Radzima.org
• Свята-Пакроўская царква (Хабовічы) на сайце Глобус Беларусі (руск.)
• Свята-Пакроўская царква (Хабовічы) на сайце «Архіварта»