Царква ў гонар Раства Іаана Прадцечы (Мікашэвічы)

Праваслаўны храм
Царква ў гонар Раства Іаана Прадцечы
52°13′22,13″ пн. ш. 27°27′52,37″ у. д.
Краіна	Беларусь
Горад	Мікашэвічы
Канфесія	Беларуская праваслаўная царква
Епархія	Пінская і Лунінецкая епархія
Архітэктурны стыль	неаготыка (да перабудовы), эклектыка
Дата пабудовы	1936 год
Медыяфайлы на Вікісховішчы

Царква ў гонар Раства Іаана Прадцечы — праваслаўная царква ў г. Мікашэвічы (Лунінецкі раён) на вул. Леніна. Помнік архітэктуры эклектыкі.

Гісторыя

Касцёл у Мікашэвічах у пач. 20 ст. Лунінецкі краязнаўчы музей

Узведзена з цэглы ў 1936 г. як касцёл, перабудавана пад царкву ў канцы 20 ст.

Архітэктура

Бакавы фасад

Вырашана прамавугольным у плане высотным аб’ёмам пад двухсхільным дахам, завершаным на фасадзе 8-граннай шатровай званічкай з макаўкай, па цэнтры і вуглах – цыбулепадобнымі купаламі на 8-гранных барабанах. Аб’ёмна-прасторавая кампазіцыя ускладняецца прыбудовамі ніжэйшых крылаў трансепта пад двухсхільнымі дахамі з макаўкамі і апсіды пад вальмавым пакрыццём. Плоскасны франтальны фасад завершаны трохвугольным франтонам, крапаваным двух'яруснай аркатурай, па восі сіметрыі адзначаны арачным перспектыўным парталам. Бакавыя фасады прарэзаны высокімі лучковымі і невялікімі арачнымі аконнымі праёмамі з броўкамі.

Літаратура

• Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007. –стар. 263.

Спасылкі

• На Вікісховішчы ёсць медыяфайлы па тэме Царква ў гонар Раства Іаана Прадцечы (Мікашэвічы)
• Царква ў гонар Раства Іаана Прадцечы (Мікашэвічы) на сайце Radzima.org
• Царква ў гонар Раства Іаана Прадцечы (Мікашэвічы) на сайце Глобус Беларусі (руск.)