Цяўзінскі мірны дагавор
Выгляд
(Пасля перасылкі з Цяўзінскі мір)
Цяўзінскі мірны дагавор | |
---|---|
Дата падпісання | 18 мая 1595 года |
Месца падпісання | Цяўзіна каля Нарвы |
Падпісалі |
Рускае царства Каралеўства Швецыя |
Статус |
не дзейнічае Заменены Выбаргскім трактатам (1609) |
Медыяфайлы на Вікісховішчы |
Цяўзінскі мірны дагавор — дагавор аб міры паміж Расіяй і Швецыяй, падпісаны ў Цяўзіна (раён Нарвы) у траўні 1595 года. Па Цяўзінскім мірным дагаворы да Расіі адышлі Ям, Капор'е і Івангорад, страчаныя ў канцы Інфлянцкай вайны 1558-83 і адваяваныя ў шведаў у 1590 годзе, а таксама Карэла і інш. Расія адмовілася ад сваіх прэтэнзій на шведскія ўладанні ў Лівоніі. Па Цяўзінскім мірным дагаворы купцам з іншых дзяржаў забаранялася наведваць рускія парты на Балтыйскім узбярэжжы, яны маглі весці гандаль з рускімі толькі ў Рэвелі (Таліне) і Выбаргу. Цяўзінскі мірны дагавор не быў ратыфікаваны рускім урадам да заключэння ў 1609 годзе у Выбаргу новага дагавора паміж Швецыяй і Расіяй.