Ціна Фей

Ціна Фей
англ.: Tina Fey
Дата нараджэння	18 мая 1970(1970-05-18)[…] (55 гадоў)
Месца нараджэння	Upper Darby Township[d], акруга Дэлавэр[d], Пенсільванія, ЗША
Грамадзянства	ЗША
Бацька	Donald Henry Fey[d]
Муж	Jeff Richmond[d]
Дзеці	Penelope Athena Richmond[d] і Alice Zenobia Richmond[d]
Адукацыя	Вірджынскі ўніверсітэт (1992) Upper Darby High School[d] (1988) The Second City[d] Pennsylvania Governor's School for the Arts[d] iO Theater[d] University of Virginia College of Arts and Sciences[d]
Прафесія	сцэнарыст, тэлеактрыса, кінаактрыса, пісьменніца, кінапрадзюсар, актрыса агучвання, рэжысёр, комік, актрыса, імправізатар, лібрэтыст, аўтабіёграф, шоўранер, тэлепрадзюсар
Член у	The Second City[d] Writers Guild of America, East[d]
Узнагароды	прэмія Гільдыі сцэнарыстаў ЗША[d] Mark Twain Prize for American Humor[d] (2010) Прэмія Гільдыі кінаакцёраў ЗША Прайм-тайм прэмія «Эмі» за найлепшую жаночую ролю ў камедыйным тэлесерыяле[d] (2008) Primetime Emmy Award for Outstanding Guest Actress in a Comedy Series[d] (2009) Primetime Emmy Award for Outstanding Guest Actress in a Comedy Series[d] (2016) Primetime Emmy Award for Outstanding Writing for a Comedy Series[d] (2008) Primetime Emmy Award for Outstanding Writing for a Comedy Series[d] (2013)
IMDb	ID 0275486
Медыяфайлы на Вікісховішчы

Элізабет Стамаціна «Ціна» Фей (англ.: Elizabeth Stamatina «Tina» Fey; нар. 18 мая 1970, Апер-Дэрбі, Пенсільванія, ЗША) — амерыканская актрыса, камедыянтка, сцэнарыст, прадзюсер і пісьменніца. Уладальніца дзевяці прэмій «Эмі», дзвюх прэмій «Залаты глобус» і пяці прэмій Гільдыі кінаакцёраў ЗША.

Біяграфія

Элізабет Стамаціна Фей нарадзілася 18 мая 1970 года ў Апер-Дэрбі (штат Пенсільванія, ЗША) у сям’і Дональда Фей і Зіновіі Фей (у дзявоцтве Ксенакіс). У Ціны ёсць старэйшы брат — Пітэр Фей (нар.1962). Ціна мае нямецкія, шатландскія і грэчаскія карані. Фей з ранняга дзяцінства цікавілася тэатрам і кіно, асабліва — камедыйным жанрам. Бацькі заахвочвалі гэтую цікавасць.

Ціна скончыла сярэднюю школу ў 1988 годзе, падчас вучобы ў якой яна наведвала драмгурток, спявала ў хоры, гуляла за тэнісную каманду і вяла ў насценгазеце сваю калонку. У 1992 годзе Фей з адзнакай скончыла Вірджынскі ўніверсітэт, атрымаўшы ступень бакалаўра ў галіне тэатральнага мастацтва.

Ціна праходзіла навучанне ў складзе імправізатарскай трупы «Другі горад» у Чыкага. Каб аплачваць вячэрнія курсы, днём ёй даводзілася працаваць на рэсэпшэне ў адным з прадстаўніцтваў Асацыяцыі Хрысціянскай Моладзі каля Чыкага. Праз 2 гады, пасля заканчэння навучання, яе залічылі ў склад «Другога горада», дзе яна працавала 2 гады.

У 1997 годзе па запрашэнні аднаго з былых акцёраў «Другога горада» Ціна пачала працаваць на пасадзе сцэнарыста папулярнага камедыйнага шоу «Суботнім вечарам у прамым эфіры» на NBC і пераехала ў Нью-Ёрк. З 1999 года Фей стала галоўным сцэнарыстам, а крыху пазней і сама стала ўдзельнічаць у пастаноўках. Праўда, убачыўшы сябе ў першым шоу, яна села на дыету і адмаўлялася здымацца да таго часу, пакуль не схуднела на 10 кілаграмаў.

У 2004 годзе выйшаў фільм «Кепскія дзяўчынкі», дзе Ціна згуляла адну з галоўных роляў нараўне з Ліндсей Лохан, Рэйчэл Мак-Адамс і Эмі Полер.

У 2006 годзе, пасля заканчэння кантракта, Ціна пакінула шоу «Суботнім вечарам у прамым эфіры» дзеля свайго ўласнага стварэння — сіткома «Студыя 30», у якім яна з’яўляецца аўтарам сцэнарыя і выканаўцай галоўнай ролі. Кампазітарам праекта стаў яе муж — Джэф Рычманд. Шоу з захапленнем прынялі гледачы і крытыкі і ішло на NBC сем сезонаў.