Чабаркуль (возера)

Чабаркуль
Морфаметрыя
Вышыня над узроўнем мора	320 м
Даўжыня	6 км
Шырыня	4 км
Плошча	19,8 км²
Аб’ём	0,154 гектаметр кубічны
Найбольшая глыбіня	12 м
Басейн
Плошча вадазбору	169 км²
Размяшчэнне
Краіна	Расія
Чабаркуль (возера)
Ідэнтыфікатары
ДВР	14010500111111200001972
Медыяфайлы на Вікісховішчы

Чабаркуль (руск.: Чебарку́ль) — возера ў Чабаркульскім раёне Чалябінскай вобласці Расіі.

Размешчана на ўсходнім схіле Паўднёвага Урала на вышыні 319,9 метраў. Плошча паверхні возера складае 19,8 км², плошча яго вадазборнага басейна — 169 км². Ваганні ўзроўню не перавышаюць 1,25 метра, найбольш высокія ўзроўні ў чэрвені, замярзае ў першай палове лістапада, адкрываецца ў канцы красавіка ці пачатку траўня. Жыўленне змяшанае, з перавагай снегавога. Мінералізацыя вады — 0,3679 грам на літр.

Назва возера і аднайменнага горада паходзяць з цюркскай мовы і азначаюць — «Прыгожае, стракатае возера».

На возеры вялікая колькасць лясістых астравоў. Ёсць некалькі паўвостраваў — Круцік, Мар’ін, Сасновы, Семярык, Букаеўка і некалькі астравоў — Галец, Караблік, Капейка, Два Браты (два вострава), Ліпавы. На берагах возера размяшчаюцца базы адпачынку і санаторыі. На ўсходнім беразе размяшчаецца аднайменны горад Чабаркуль.