Шандар Бортнік

Шандар Бортнік
Род дзейнасці	мастак, выкладчык універсітэта, рысавальнік, фатограф, графік, педагог
Дата нараджэння	3 ліпеня 1893(1893-07-03)[…]
Месца нараджэння	Трансільванія, Румынія або Тыргу-Мурэш, жудзец Мурэш, Румынія
Дата смерці	31 снежня 1976(1976-12-31)[…] (83 гады)
Месца смерці	Будапешт, Венгерская Народная Рэспубліка
Месца пахавання	Керэпешы[d]
Грамадзянства	Венгрыя
Месца працы	Венгерскі ўніверсітэт выяўленчых мастацтваў
Узнагароды і прэміі	прэмія імя Кошута (1973) Munkácsy Prize[d] (1955)
Медыяфайлы на Вікісховішчы

Шандар Бортнік (венг. Sándor Bortnyik; 3 ліпеня 1893, Тыргу-Мурэш, Трансільванія, Аўстра-Венгрыя (цяпер Румынія) — 31 снежня 1976, Будапешт) — венгерскі мастак, графік і плакатыст, педагог. Рэктар Будапешцкай акадэміі выяўленчых мастацтваў (1949—1956, з 2001 г. — Венгерскі ўніверсітэт выяўленчых мастацтваў). Лаўрэат Нацыянальнай прэміі імя Кошута (1973).

Біяграфія

Скончыў вучылішча ў родным горадзе. Пачаў займацца плакатным мастацтвам. У 1910 годзе быў запрошаны на працу мастаком-афарміцелем (графічным дызайнерам) на парфумерную кампанію ў Будапешце. З 1913 года вучыўся ў школе жывапісу ў Ёжэфа Рыпль-Ранаі, пазней у Янаш Васары. Пасля 1919 года эміграваў у Вену, а ў 1922 годзе пераехаў у Веймар, быў звязаны з Баухаусам. Па вяртанні ў Венгрыю заснаваў мастацкую школу, якая працягвала традыцыі Баухауса.

У 1930 годзе быў адным з заснавальнікаў Венгерскага таварыства кніжных мастакоў-ілюстратараў. З 1948 года — прафесар Акадэміі мастацтваў у Будапешце. У 1949—1956 гадах быў рэктарам Венгерскай Акадэміі выяўленчых мастацтваў мастацтваў.