Нацыянальная бібліятэка імя Сечэні

З пляцоўкі Вікіпедыя
Jump to navigation Jump to search
Будынак бібліятэкі ў Будайскім замку

Нацыянальная бібліятэка імя Сечэні (венг.: Országos Széchényi Könyvtár) — адна з двух нацыянальных бібліятэк Венгрыі (другая — бібліятэка Дэбрэцэнскага ўніверсітэта). У яе склад уваходзіць Карвініяна — рэнесансная бібліятэка караля Мацьяша.

Асноўнай задачай бібліятэкі з'яўляецца збор, апрацоўка і захоўванне ўсіх дакументаў, якія маюць дачыненне да Венгрыі. Сумарны аб'ём фонду складае каля 8 млн адзінак захоўвання. Асноўны фонд «Хунгарыка» уключае ўсе выданні, апублікаваныя ў межах Венгрыі на любых мовах; усе выданні, апублікаваныя на венгерскай мове; усе творы, створаныя венгерскімі аўтарамі ці ў супрацоўніцтве з імі не на венгерскай мове або за межамі Венгрыі, і ўсе публікацыі на замежных мовах, якія тычацца Венгрыі.

Нацыянальная бібліятэка была заснавана 25 лістапада 1802 года графам Ферэнцам Сечэні, які перадаў у яе фонд першыя некалькі тысяч розных выданняў, і носіць імя свайго заснавальніка. У наступным годзе публічная бібліятэка адкрылася ў Пешце і першыя часы на хвалі патрыятычнага ўздыму існавала за кошт добраахвотных унёскаў. У 1808 годзе парламентам было прынята рашэнне аб заснаванні Венгерскага нацыянальнага музея, і да 1949 года Нацыянальная бібліятэка Венгрыі знаходзілася ў яго складзе.

У 1846—1847 гадах бібліятэка разам з музеем пераехала ў новы будынак, пабудаванае ў стылі класіцызму. У наш час Нацыянальная бібліятэка імя Сечэні размяшчаецца ў крыле F Будайскага замка.

Спасылкі[правіць | правіць зыходнік]