Шаста (акруга)

Шаста
англ.: Shasta County
Краіна	ЗША
Уваходзіць у	Каліфорнія
Адміністрацыйны цэнтр	Рэдынг
Дата ўтварэння	1850
Насельніцтва	▲182 155 чал. (1 красавіка 2020)
Плошча	9 956 км²
Афіцыйны сайт (англ.)
Медыяфайлы на Вікісховішчы

Ша́ста (англ.: Shasta County) — акруга на поўначы штата Каліфорнія, ЗША. Насельніцтва акругі — 177 223 чалавекі (перапіс 2010 года). Адміністрацыйны цэнтр — горад Рэдынг.

Гісторыя

Шаста — адна з акруг, утвораных першапачаткова пры стварэнні штата Каліфорнія ў 1850 годзе. У 1852 годзе частка тэрыторыі акругі была аддзелена і ўтварыла новую акругу — Сіскію; у 1956 годзе ад Шасты аддзялілася акруга Ціхама. Акруга была названа па назве гары Шаста (цяпер знаходзіцца ў межах акругі Сіскію).

Геаграфія

Агульная плошча — 9960 км², з якіх 9780 км² — суша і 190 км² (1,9 %) — водныя паверхні. Горы атачаюць акругу з захаду, поўначы і ўсходу. Рака Сакрамента сцякае з гор на поўначы і перасякае цэнтральную частку акругі, накіроўваючыся да даліны Сакрамента на поўдні. На тэрыторыі акругі часткова размешчаны нацыянальны лес Шаста-Трыніці і нацыянальны парк Ласен-Ваўканік. Акрамя таго, у межах акругі знаходзіцца буйное вадасховішча Шаста.

У акрузе Шаста размешчаны 3 гарады: Андэрсан, Рэдынг і Шаста-Лэйк.