Шумск — Лоша
Шумск — Лоша | |
---|---|
Краіна | |
Сумежны будынак | Q67175617? |
Афіцыйны сайт | gpk.gov.by/en/situation-… |
Шумск — Лоша — міжнародны аўтамабільны пункт пропуску на беларуска-літоўскай граніцы.
З боку Беларусі — МАПП «Лоша», размешчаны на тэрыторыі Астравецкага раёна Гродзенскай вобласці, за 2,5 км на захад ад вёск Лоша. Адносіцца да Гродзенскай мытні.
З боку Літвы — МАПП «Шумскас (Шумск)», размешчаны на тэрыторыі Вільнюскага раёна Вільнюскага павета, за 2 км на паўднёвы ўсход ад Шумскаса (Шумска). Найбліжэйшы населены пункт — вёска Сіруцішкес (Серацішкі).
Да 2017 года дзейнічаў як двухбаковы аўтамабільны пункт пропуску, прызначаны толькі для грамадзян Літвы і Беларусі, якія ўвесь час пражываюць у прыгранічных раёнах. З 17 лютага 2017 года паводле пагаднення паміж урадамі краін пункт пропуску пачаў функцыянаваць у статусе міжнароднага[2], але па спрошчанай схеме — тут можна было праязджаць легкавым аўтамабілям усіх формаў уласнасці масай не больш за 3,5 тоны і колькасцю месцаў не больш за 8[3]. З 1 кастрычніка пачаў працаваць як паўнавартасны міжнародны аўтадарожны пункт пропуску для легкавых аўто. Цяпер на пераходзе можна зрабіць мытнае афармленне тавараў, якія падлягаюць дэклараванню, аформіць «часовы ўвоз» на аўто і гэтак далей[4]
12 красавіка 2021 года ў пункце пропуска было адноўлена афармленне[5].
Пасля справакаванага рэжымам Лукашэнкі міграцыйнага крызісу на граніцы з Літвой і шырокамаштабнага ўварвання Расіі ва Украіну ў 2022 годзе Камітэт Сейма па нацыянальнай бяспецы і абароне ў 2023 годзе прыняў рэкамендацыйнае рашэнне падумаць аб закрыцці некаторых памежных пунктаў на мяжы з Беларуссю[6]. 17 жніўня з літоўскага боку быў закрыты пагранічны пераход «Шумск» — «Лоша», 18 жніўня — пераход «Цверач» — «Відзы»[7].
Зноскі
- ↑ https://gpk.gov.by/en/situation-at-the-border/information-about-checkpoints/losha/
- ↑ Пункт пропуска «Лоша-Шумскас» на белорусско-литовской границе 17 февраля становится международным . bamap.org. Праверана 13 снежня 2023.
- ↑ С 17 февраля рядом с «Каменным Логом» заработает новый пункт пропуска (руск.). 34travel (2 кастрычніка 2021). Праверана 8 лютага 2022.
- ↑ «Лоша» заработала как полноценный международный погранпереход (руск.). 34travel (2 кастрычніка 2021). Праверана 8 лютага 2022.
- ↑ Пункты пропуска на границе с Литвой возобновили работу (руск.). Спутник Беларусь (12 красавіка 2021). Праверана 8 лютага 2022.
- ↑ Закрыццё некаторых пунктаў пропуску на мяжы з Беларуссю з'яўляецца пытаннем часу — літоўскі дэпутат . Наша Ніва. Праверана 13 снежня 2023.
- ↑ Памежныя пераходы «Шумск» — «Лоша» і «Цверач» — «Відзы» спынілі працу . Наша Ніва. Праверана 13 снежня 2023.