Шуфляда

З пляцоўкі Вікіпедыя
Jump to navigation Jump to search
Шуфляда

Шуфля́да, шуфля́дка (па-польску: Szuflada, па-нямецку: Schublade) — высоўная скрынка з адчыненым верхам. Частка (канструктыўны элемент) мэблі ў форме прамавугольнага кораба, якая служыць для захоўвання рэчаў. Шуфляда гарызантальна высоўваецца на накіравальных для доступу да яе зместу[1] і часам мае механізм «самазачынення»[2][3]. Высоўныя шуфляды змяшчаюцца ў шафах, буфетах, бюро, камодах, тумбачках, пісьмовых сталах, картатэчнай мэблі, касавых апаратах, і інш.

Бібліятэчны каталог з шуфлядамі

Шуфляда як састаўная частка мэблі з’явілася яшчэ ў антычныя часы[4].

Заднія, пярэднія і бакавыя сценкі драўляных шуфляд часцей за ўсё вырабляюцца з дошак, дно ж вырабляюць з ДВП ці фанеры; таксама выкарыстоўваюць розныя драўляна-кампазітныя матэрыялы, пластык і ліставы метал[5]. Перагародкі паміж шуфлядамі, размешчанымі адна пад адной, тыпова не робяць[6].

Найболей распаўсюджаны тып злучэнняў пярэдняй і бакавых сценак драўлянай шуфляды па меркаваннях трываласцi і эстэтыкі — праклеены «ластаўчын хвост». Сценкі таксама могуць злучацца шрубамі, шкантамі, клямарамі, клеем, іншымі спосабамі, або вырабляцца разам з дном як адзіны элемент[7]. Для зручнасці адчынення, на перадзе шуфляды крэпіцца ручка, звычайна круглай ці п-віднай формы[8]. Шуфляда без ручкі можа адчыняцца націскам на яе, тады спрацоўвае змешчаная ўнутры пружына, або з дапамогой ключа, устаўленага ў замок.

Лічыцца, што слова «шуфляда» прыйшло ў беларускую мову з нямецкай праз польскую. Гэтым тлумачыцца адсутнасць аднасложнага адпаведніка ў рускай мове.

У пераносным сэнсе, у рускай мове выраз «положить в долгий ящик» азначае справу, адкладзеную на нявызначаны тэрмін.

Шафа ў мэблевай краме з маркіраванымі шуфлядамі і п-віднымі ручкамі

Зноскі

  1. ОСТ 13-139—82 Детали мебели. Термины и определения
  2. Dokument über verschiedene Schubladenausführungen (PDF; 472 kB) 18. August 2013
  3. Document over lades en soft-close mechanisme. Архівавана з першакрыніцы 10 сакавіка 2016. Праверана 9 чэрвеня 2018.
  4. Tiroir à battement
  5. Ю. Ф. Подольский. Кровати, диваны, канапе, тумбочки, столики и другая мебель для детской и спальни (руск.) .
  6. チェストを選ぶポイント - チェストの森]. Архівавана з першакрыніцы 12 красавіка 2016.
  7. Ящики, полуящики и полки (руск.) . Праверана 6 верасня 2018.
  8. Thomas Francis Googerty (1911) Hand-forging and Wrought-iron Ornamental Work, Popular Mechanics Company, p. 159

Спасылкі[правіць | правіць зыходнік]