Эдвард Ахрэм

З пляцоўкі Вікіпедыя
Jump to navigation Jump to search

Эдвард Ахрэм (таксама вядомы як Ахрэм Эдуард Эдуардавіч; польск. Edward Ochrem) беларускі камерсант польскага паходжання, рэктар БКІК (1993(?)-2004)[1], кандыдат у прэзідэнты на выбарах 1994 г ад Польскага дэмакратычнага аб'яднання. Ёсць звесткі, што пэўны час ён быў дырэктарам савгаса ў Мінскім раёне[2]. Таксама быў аднім з заснавальнікаў ААТ "Олдынг". У свабодным доступе мала інфармацыі пра гэту асобу.

Палітычная дзейнасць[правіць | правіць зыходнік]

У пачатку 1990-х Э. Ахрэм разам з Канстанцінам Тарасевічам узначаліў партыю "Польскае дэмакратычнае аб'яднанне", якая ставіла мэтай дэмакратызацыю Беларусі і эканамічныя рэформы[3]. Падчас прэзідэнцкіх выбараў 1994 г. гэта партыя вылучыла кандыдатуру Ахрэма[1], але яго ініцыятыўная група сабрала толькі 12 тыс. подпісаў[4]. і не была падтрымана Саюзам палякаў на Беларусі[5].

Дзейнасць у сферы камерцыйнай адукацыі[правіць | правіць зыходнік]

Э. Ахрэм кіраваў Беларускім камерцыйным інстытутам кіравання і тэхнікумам эканомікі, права і кіравання, якія мелі свае філіялы ў розных гарадах Беларусі. Да 2003 г. гэта дзейнасць ішла паспяхова, потым кантрольныя органы пачалі прад'яўляць прэтэнзіі гэтым установам адукацыі[6][7]. У адказ Эдвард Ахрэм паставіў пэўныя пытанні перад Канстытуцыйным судом і заявіў аб магчымасці вывесці на акцыі пратэста сваіх студэнтаў, іх бацькоў і сяброў іх бацькоў[2]. Праблема скончылася зачыненнем Інстытута і тэхнікумаў у 2004 г. У адказ студэнты і выкладчыкі Інстытута выйшлі на акцыю пратэста ў Мінску. Ахрэм, які удзельнічаў у гэтай акцыі, заявіў Радыё "Свабода": "Магу на сто адсоткаў сказаць, што гэта з ведама Лукашэнкі. Бо, каб не было вядома Лукашэнкі, то такога бы ніхто не рабіў. Ён ужо разабраўся з усімі сваімі апанэнтамі, застаўся я адзін[8]"[9]. Супраць Э. Ахрэма была ўзбуджана крымінальная справа, ён выехаў за мяжу і справа была спынена за тэрмінам даўніны[10].

Працы Э Ахрэма[правіць | правіць зыходнік]

Зноскі

  1. Белорусский коммерческий институт управления//ehu.by
  2. Елена Анкудо УПРАВЛЯЛ ПО-КОММЕРЧЕСКИ//Белгазета, №34 (401) 08 сентября 2003 г.
  3. Игорь Котляров Социология политических партий
  4. С. Навумчык. Дзевяноста чацвёрты. Радыё Свабода, 2015, с. 195
  5. Polskie odrodzenie na Białorusi 1988-2005, c. 213-214
  6. Елена Анкудо УПРАВЛЯЛ ПО-КОММЕРЧЕСКИ//Белгазета, №34 (401) 08 сентября 2003 г.
  7. Аннулированы лицензии семи филиалов Коммерческого института управления//БДГ
  8. Г. Абакунчык СТУДЭНТЫ ЗАЧЫНЕНЫХ ВНУ ЗЛАДЗІЛІ АКЦЫЮ ПРАТЭСТУ//Радыё "Свабода"
  9. Михаил КАРНЕВИЧ Ответьте студентам, господин президент//Биржа информации. Гродно. № 328 от 20.05.2004
  10. В. Пономарёв Частный вуз нередко превращается в частную лавочку//СБ-Беларусь сегодня