Элісенда дэ Манкада
| Элісенда дэ Манкада ісп.: Elisenda de Moncada | |||
.jpg) | |||
| Надмагілле Элісенды дэ Манкада ў манастыры Педральбес, Барселона | |||
| |||
|---|---|---|---|
| 1322 — 1327 | |||
| Папярэднік: | Марыя Кіпрская | ||
| Пераемнік: | Тарэса дэ Энтенца | ||
| |||
| 1322 — 1327 | |||
| Папярэднік: | Марыя Кіпрская | ||
| Пераемнік: | Тарэса дэ Энтенца | ||
| Дзейнасць: | палітык | ||
| Веравызнанне: | каталіцтва | ||
| Нараджэнне: | 1292 Манкада-і-Рэшак, Каталонія | ||
| Смерць: | 1364 Барселона, Каталонія | ||
| Пахаванне: | |||
| Род: | Манкада | ||
| Бацька: | Педра II дэ Манкада | ||
| Маці: | Элісенда дэ Пінас | ||
| Муж: | Хаймэ II Арагонскі | ||
| Дзеці: | няма | ||
Элісенда дэ Манкада-і-Луна (ісп.: Elisenda de Moncada y Luna) (1292, Манкада, Каталонія — 1364, Барселона, Каталонія) — дачка барона дэ Манкада і дэ Атона Педра II дэ Манкада з дому Манкада; у замужжы — каралева Арагона, Валенсіі, Сардзініі і Корсікі.
Біяграфія[правіць | правіць зыходнік]
Элісенда дэ Манкада нарадзілася ў 1292 годзе ў Манкадзе, у Каталоніі. Яна была дачкой Педра II, барона дэ Манкада і дэ Атона і Элісенды дэ Пінас.
25 снежня 1322 года ў Тарагоне яна была выдадзена замуж за Хаймэ II, караля Арагона, Валенсіі, Сардзініі і Корсікі, графа Барселоны і іншых земляў Каталоніі. Гэта быў чацвёрты і апошні шлюб караля, за тры гады да вяселля заўдавелага ў трэці раз. Хаймэ II спадзяваўся праз гэты саюз умацаваць адносіны паміж тронам Арагона і малодшай галіной уплывовага феадальнага роды Манкада, які меў шматлікія ўладанні ў Каталоніі і на Сіцыліі.
У 1326 годзе каралева Элісенда дэ Манкада заснавала жаночы манастыр у Педральбесе, прыгарадзе Барселоны, даручыўшы яго клопатам манашак з ордэны кларысінак. У наступным годзе яна заўдавела і пасялілася ў доме каля заснаванага ёю манастыра. Тут каралева пражыла трыццаць сем гадоў. Элісенда дэ Манкада памерла ў 1364 годзе і была пахавана ў манастыры Педральбес.
Шлюб Элісенды дэ Манкада і Хаймэ II Арагонскага быў бяздзетным.
Зноскі
Спасылкі[правіць | правіць зыходнік]
- Elisenda de Moncada. Fmg.ac. (англ.)
- Inma Álvarez. Las clarisas de Petras Albas, en el corazón de Barcelona. Alfayomega.es. (ісп.)
