З Вікіпедыі, свабоднай энцыклапедыі
Эўноцыя (Eunotia) — род аднаклетачных дыятомавых водарасцей сямейства эўноцыевых.
Вядома звыш 300 выкапнёвых і сучасных відаў, пашыраных пераважна ў прэсных водах бедных вапнай (часцей у абрастаннях), сярод вільготных імхоў, на мокрых скалах. На Беларусі ў вадаёмах і глебе адзначаны эўноцыя дугападобная (Eunotia arcus), эўноцыя перарывістая (Eunotia praerupta), эўноцыя падманлівая (Eunotia fallax), эўноцыя грабеньчатая (Eunotia pectinalis), эўноцыя паўмесяцовая (Eunotia lunaris), эўноцыя двухзубая (Eunotia diodon), эўноцыя малая (Eunotia exigua) і інш.
