Юнь Шоупін
Юнь Шоупін | |
---|---|
Дата нараджэння | 1633[1][2][…] |
Месца нараджэння | |
Дата смерці | 1690[1][3][…] |
Грамадзянства | |
Бацька | Yun Richu[d] |
Маці | Yun Zhu[d] |
Род дзейнасці | мастак, паэт, каліграф |
Уплыў на | Zhang Wei[d][5] |
Член у | |
Медыяфайлы на Вікісховішчы |
Юнь Шоупін (кіт. трад. 惲壽平, 1633—1690) — кітайскі мастак часоў імперыі Цын.
Біяграфія[правіць | правіць зыходнік]
Нарадзіўся ў 1633 годзе ў павеце Уцзінь правінцыя Цзянсу. Сын Юнь Дая, мясцовага чыноўніка. З дзяцінства імкнуўся да навучання. Шмат падарожнічаў па краіне. Пасля стаў вучнем Ван Шы-міня. Пачаўшы сваё жыццё ў мастацтве са службы ў Акадэміі жывапісу, Юнь Шоупін у 1683 годзе падаў у адстаўку і вярнуўся ў родныя мясціны незалежным мастаком, які папоўніў шэрагі апазіцыянераў акадэмічнай школы. Памёр у 1690 годзе.
Творчасць[правіць | правіць зыходнік]
Увайшоў у гісторыю кітайскага мастацтва як адзін з найлепшых майстроў жанру «кветкі і птушкі»-хуаняа. Малюючы адпаведна традыцыі гэтага жанру бамбук, квітнеючую сліву, лотасы і півоні, Юнь Шоупін імкнуўся да іх новай інтэрпрэтацыі. Галоўным яго творчым дасягненнем лічыцца распрацоўка ў паліхромнай тэхніцы «бяскосткавага метаду» (магу-хуа) выявы раслін з дапамогай шчыльных каляровых размыванняў, раней ужывальнага майстрамі хуаняа (Сюй Сі і Чэнь Чунем) толькі ў манахромным варыянце. Засвоеная Юнь Шоупінам манера пісьма дазваляла яму ствараць кампазіцыі, якія адрозніваюцца мяккасцю, феерычнасцю каляровай гамы і рэдкай выразнасцю, падобна серыі альбомных лістоў «Хуа Хуэйці» («Кветкі і травы», 30×22 см, шоўк, туш, фарбы. Шанхайскі мастацкі музей).
Заўвагі[правіць | правіць зыходнік]
- ↑ а б Yun Shouping // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
- ↑ Yun Shouping // Encyclopædia Britannica Праверана 9 кастрычніка 2017.
- ↑ Yun Shouping // Artnet — 1998. Праверана 9 кастрычніка 2017.
- ↑ China Biographical Database
- ↑ 车旭东 恽寿平弟子张伟小考 // 书画世界 — 2020. — вып. 09. — С. 11–17. — ISSN 1673-6109
Літаратура[правіць | правіць зыходнік]
- Paul-David M. Arts et Styles de la China. P., 1951
- Sullivan M. The Arts of China. Berkley-Los Angeles, 1979