Юрген Штроп

Юрген Штроп ням.: Jürgen Stroop
Юрген Штроп у зняволенні
Кіраўнік СС і паліцыі ў Варшаве
19 красавіка 1943 — 13 верасня 1943
Папярэднік	Фердынанд фон Замерн-Франкенег
Пераемнік	Франц Кутчэра
Вышэйшы кіраўнік СС і паліцыі ў Грэцыі
8 верасня 1943 — 4 кастрычніка 1943
Папярэднік	—
Пераемнік	Вальтэр Шымана
Вышэйшы кіраўнік СС і паліцыі ў Рэйне
11 лістапада 1943 — 8 мая 1945
Папярэднік	Тэадор Беркельман
Пераемнік	—
Партыя	Нацыянал-сацыялістычная нямецкая рабочая партыя
Дзейнасць	ваенны, палітык
Член у	СС
Веравызнанне	Lapsed Catholic[d]
Нараджэнне	26 верасня 1895(1895-09-26) Дэтмальд, Германская імперыя
Смерць	6 сакавіка 1952(1952-03-06) (56 гадоў) Варшава, Польшча
Ваенная служба
Род войскаў	Вафен-СС
Званне	Групенфюрар СС,  генерал-лейтэнант войскаў СС,  генерал-лейтэнант паліцыі
Бітвы	Першая сусветная вайна Другая сусветная вайна Warsaw Ghetto Uprising[d]
Узнагароды

Юрген Штроп (ням.: Jürgen Stroop, да мая 1941 насіў імя Іозеф; 26 верасня 1895, Дэтмальд — 6 сакавіка 1952, Варшава) — групенфюрар СС, генерал-лейтэнант паліцыі (9 лістапада 1943) і генерал-лейтэнант войскаў СС (1 кастрычніка 1944). Адзін з кіраўнікоў прыгнечання паўстання ў Варшаўскім гета.

Біяграфія

З каталіцкай сям'і сярэдняга дастатку. Удзельнік Першай сусветнай вайны, віцэ-фельдфебель. 7 ліпеня 1932 годзе ўступіў у НСДАП (білет № 1 292 297), а пазней у СС (білет № 44 611), дзе пачаўся яго хуткі кар'ерны рост.

Браў удзел у карных аперацыях супраць савецкіх партызан. У красавіку 1943 года па рашэнні Гімлера змяніў оберфюрара Фердынанда фон Замерн-Франкенега на пасадзе кіраўніка СС і паліцыі ў Варшаве. Узначальваў аперацыю па прыгнечанні паўстання ў Варшаўскім гета. Аўтар рапарта «Варшаўскага гета больш не існуе». З 8 верасня па 4 кастрычніка 1943 года быў кіраўніком СС у Грэцыі.

У 1947 годзе амерыканскі трыбунал у Дахау прысудзіў Штропа да смяротнага пакарання за растрэлы закладнікаў у Грэцыі. Пасля перадачы польскім уладам ізноў быў прысуджаны да смяротнага пакарання.

Знаходзячыся ў камеры смяротнікаў, Штроп быў выключна адкрыты з сакамернікамі, шмат чаго распавядаў пра прыгнечанне Паўстання ў Варшаўскім гета, пра свой удзел у гэтых падзеях не раскайваўся. Актывіст Арміі Краёвай Казімеж Мачарскі, які таксама знаходзіўся разам з ім у камеры смяротнікаў, пазней быў памілаваны і выдаў кнігу з запісам апавяданняў Штропа пад назвай «Гутаркі з катам».

Павешаны ў Варшаве 6 сакавіка 1952 года.

Спасылкі

• Біяграфічная даведка
• Statement by Stroop to Investigators About His Actions in the Warsaw Ghetto (February 24, 1946)(англ.) 
• Warsaw Ghetto Uprising(англ.) 
• The Stroop Report: The Warsaw Ghetto Is No More(англ.) 
• Genocide Delayed(англ.) 

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.