Юрый Антонавіч Барысюк
| Юрый Антонавіч Барысюк | |
|---|---|
| Дата нараджэння | 18 студзеня 1978[1] (46 гадоў) |
| Род дзейнасці | гісторык, краязнавец |
| Месца працы | |
| Альма-матар |
|
| Член у | |
Юрый Антонавіч Барысюк (нар. 18 студзеня 1978) — беларускі гісторык і краязнавец.
Біяграфія[правіць | правіць зыходнік]
Нарадзіўся 18 студзеня 1978 года ў сям’і калгаснікаў. Бацька Антон Карпавіч Барысюк — трактарыст, маці Ніна Паўлаўна — палявод. Мае братоў Аляксандра і Валерыя.
У 1995—2001 гадах завочна вучыўся на гістарычным факультэце Беларускага дзяржаўнага ўніверсітэта.
3 1995 па 1998 гады працаваў у Кобрынскім ваенна-гістарычным музеі імя А. В. Суворава. У 1998—2007 гадах працаваў у аддзеле культуры Кобрынскага райвыканкама спецыялістам па ахове гісторыка-культурнай спадчыны.
Рашэннямі і распараджэннямі райвыканкама Юрый Барысюк быў зацверджаны сакратаром міжведамаснага каардынацыйнага савета па ахове матэрыяльнай і духоўнай спадчыны райвыканкама, раённай тапанімічнай камісіі, камісіі па інвентарызацыі рухомых каштоўнасцей і раённага аргкамітэта па падрыхтоўцы святкавання 60-годдзя Перамогі ў Вялікай Айчыннай вайне. Абследваў становішча помнікаў у раёне, падрыхтоўваў пасяджэнні савета, кантраляваў ход выканання рашэнняў аблвыканкама і райвыканкама, пастановы савета па ахове матэрыяльнай і духоўнай спадчыны райвыканкама.
3 2007 года працуе ва Упраўленні па ахове гісторыка-культурнай спадчыны і рэстаўрацыі Міністэрства культуры Рэспублікі Беларусь галоўным спецыялістам.
Дзейнасць[правіць | правіць зыходнік]
За час працы Ю. А. Барысюком абследавана новавыяўленных помнікаў гісторыі і культуры і узята на мясцовы улік 148, у т. л. паркаў — 8; помнікаў гісторыі − 137; помнікаў археалогіі — 3. Унесены у Дзяржаўны спіс — 45; у т. л. помнікаў архітэктуры — 26; гісторыі — 4; археалогі −15.
Шмат намаганняў Ю. Барысюк надае пошуку раней невядомых пахаванняў ахвяр фашысцкага тэрору і абаронцаў Айчыны, вядзе пошук дакументаў у мясцовых і замежных архівах. У выніку гэтай працы былі паспартызаваны больш 20 раней невядомых вайсковых пахаванняў, устаноўлены імёны болей 140 раней невядомых ахвяр фашызму і імёнаў абаронцаў Айчыны.
Складальнік брашуры «Гісторыка-культурная спадчына Кобрыншчыны» (2001), удзельнічаў у падрыхтоўцы даведнікаў і брашур па Кобрынскім раёне. З’яўляўся сакратаром раённай камісіі па напісанню кнігі «Памяць. Кобрынскі раён». Пасля яе выхаду ў свет арганізаваў працу па зборы дапаўненняў і заўваг, что прывяло да ідэі стварэння электроннай версіі кнігі і базы дадзеных аб удзельніках Вялікай Айчыннай вайны па Кобрынскім раёне, якія былі створаны у 2004 г.
Неаднаразова друкаваўся на старонках раённых і абласных газет, дапамагаў у падрыхтоўцы краязнаўчых праграм мясцовага і абласнога тэлебачання. У 2005 годзе пад яго кіраўніцтвам было надрукавана выданне «Карта Кобрынскага раёна. План г. Кобрына».
У 2004 годзе быў зняты і зманціраваны відэафільм «Старажытная і легендарная Кобрыншчына», рэжысёр Ю. А. Барысюк. Гэты фільм аказаўся запатрабаваны у школах раёна у сувязі з увядзеннем факультатыва «Кобрыназнаўства».
Падрыхтаваў дакументы для зацверджаны пасля праектаў герба і сцяга Кобрынскага раёна. Пачата работа па аднаўленню геральдычных сімвалаў вёсак раёна. Падрыхтаваў дакументы для прадстаўлення праектаў герба і флага вёсак Гарадзец і Ляхчыцы Кобрынскага раёна ў Геральдычны савет пры Прэзідэнце Республікі Беларусь.
Легенда пра Княжую Гара, запісанная Барысюком Ю. А., і сюжэт герба в. Ляхчыцы ляглі ў аснову ідэі помніка князю Уладзіміру і княгіне Вользе, які быў устаноўлены у Кобрыне да фестывалю-ярмаркі працаўнікоў вёскі «Дажынкі 2009».
Па прапанове Барысюка Ю. А. у раёне быў праведзены конкурс уязных знакаў. У выніку у 2004 годзе былі ўстаноўлены ўязныя знакі с датай першага ўпамінання ў дзевяць цэнтраў сельсаветаў раёна.
Вядзе навуковую працу па гісторыі і краязнаўстве. Мае каля 20 навукова-публіцыстычных артыкулаў. Матэрыялы Ю. А. Барысюка выкарыстаны ў другім томе энцыклапедычнага даведніка «Гарады і вёскі Беларусі. Брэсцкая вобласць» (2008). Адзін са складальнікаў кнігі «Дзяржаўны спіс гісторыка-культурных каштоўнасцей Рэспублікі Беларусь» (2009).
З’яўляецца сябрам заходнепалескага навукова-краязнаўчага таварыства «Загароддзе».
У цяперашні час Ю. А. Барысюк займаецца складаннем спіса крыніц, дакументаў і фотаздымкаў па гісторыі Кобрыншчыны, якія знаходзяцца ў архівах Беларусі і замежжа, пошукамі больш ранняга ўпамінання г. Кобрына, а таксама архіва Кобрынскага павета, які быў вывезены ў Расію напярэдадні першай сусветнай вайны.
Узнагароды[правіць | правіць зыходнік]
У 2005 годзе атрымаў прэмію ўпраўлення культуры «За папулярызацыю гісторыі края», а ў 2006 годзе ўзнагароджаны Ганаровай граматай Міністэрства культуры Рэспублікі Беларусь.
Бібліяграфія[правіць | правіць зыходнік]
- Барысюк, Ю. А. Княжная гара на Кобрыншчыне: [13 ст., недалёка ад в. Ляхчыцы існуе нагорак — Княжная гара] / Ю. А. Барысюк// Памяць. Кобрынскі раён.- Мн.,2002.- с. 28-29.
- Барысюк, Ю. Князі Кобрынскія / Юрый Барысюк // Памяць. Кобрынскі раён.- Мн.,2002.- с.37-39.
- Барысюк, Ю. Кобрыншчына ў 1-ю Сусветную вайну /Юрый Барысюк // Памяць. Кобрынскі раён.- 2002.- с.75-78.
- Барысюк, Ю. Навасёлкаўскае ўзброенннае выступ-ленне сялян 1933 г./Ю. Барысюк //Загароддзе −3: Матэ-рыялы навук.-краязн. канф. «Палессе ў ХХ ст.» 1-4 чэрв.2000 г. Беласток.- Мн.: Тэхналогія, 2001.- с.165-168.
- Гісторыка-культурная спадчына Кобрыншчыны / аддз. культуры Кобр. райвыканкама; склад. Ю. А. Барысюк.- Баранавічы: Баранав. узбуйн. друк, 2001.- 32с.
- Барысюк, Ю. Сустрэча ў Божым Дары: [Памятны знак у Божым Дары (хутар у Буховіцкім сельсавеце) — першы помнік удзельн. паўстання 1863—1864 гг. на Кобрыншчыне ] //Кобрынскі веснік.- 2003.- 11 чэрв.- с.2
- Борисюк, Ю. Нужны ли Кобрину святые покрови-тели: [Мнение специалиста о гербе Кобрина] //Кобрин-информ.- 2002.- 4 июля.- с.2
- Барысюк, Ю. З мінулым нельга размінуцца: [Да Дня помнікаў і гіст. месцаў]// Кобрынскі веснік.- 2002.- 17 крас. — с.3
- Барысюк, Ю. Першая асобная: [Выйшла ў свет брашура «Гісторыка-культурная спадчына Кобрын-шчыны»] / Ю. Барысюк // Кобрынскі веснік.- 2002.- 16 студз.- с.3
- Барысюк, Ю. Колькі гадоў табе, вёска мая?:[ З гісторыі вёсак раёна ]/ Ю. Барысюк // Кобрынскі раён.-2001.- 19 вер.- с.3
- Барысюк Ю. Каменная хроніка Кобрыншчыны /Юрый Барысюк // Кобрынскі веснік.- 2000.- 1 ліст.-с.2
- Барысюк, Ю. Наша памяць: [У Кобр. раёне 126 помнікаў гісторыі і культуры ]/ Юрый Барысюк // Коб-рынскі веснік.- 19 крас. с.1
Зноскі
Літаратура[правіць | правіць зыходнік]
- Сучасныя беларускія краязнаўцы: Барысюк Юрый Антонавіч // Краязнаўчая газета.- 2005.- № 12 (77), сак..