Якаў Іосіфавіч Джугашвілі

Якаў Іосіфавіч Джугашвілі
груз. იაკობ იოსების ძე ჯუღაშვილი руск.: Яков Иосифович Джугашвили
Дата нараджэння	18 сакавіка 1907(1907-03-18)
Месца нараджэння	Баджы[d], Кутаіская губерня[d], Расійская імперыя
Дата смерці	14 красавіка 1943(1943-04-14) (36 гадоў)
Месца смерці	Канцлагер Заксенгаўзен[d], Трэці рэйх
Бацька	Іосіф Вісарыёнавіч Сталін
Маці	Кацярына Сямёнаўна Сванідзэ[d]
Жонка	Zoya Gunina[d] і Yulia Meltzer[d]
Дзеці	Elena Yakovlevna Dzhugashvili[d], Яўген Якаўлевіч Джугашвілі[d] і Галіна Якаўлеўна Джугашвілі[d]
Альма-матар	Ваенная акадэмія РВСП імя Пятра Вялікага[d] Расійскі ўніверсітэт транспарту[d]
Грамадзянства	СССР  Расійская імперыя
Прыналежнасць	СССР
Род войскаў	Рабоча-Сялянская Чырвоная Армія
Званне	старшы лейтэнант
Бітвы/войны	Другая сусветная вайна
Узнагароды і званні
Медыяфайлы на Вікісховішчы

Якаў Іосіфавіч Джугашвілі (груз. იაკობ იოსების ძე ჯუღაშვილი; 18 (31) сакавіка 1907, вёска Баджы, Кутаіская губерня — 14 красавіка 1943, канцлагер Заксенхаўзен) — старэйшы сын І. В. Сталіна, старшы лейтэнант, які загінуў падчас Вялікай Айчыннай вайны ў нямецкім палоне.

Біяграфія

Памятны знак Якаву Джугашвілі ў аграгарадку Копці пад Віцебскам

НАрадзіўся 18 (31) сакавіка 1907 года ў в. Баджы Кутаіскай губерні.

З 27 чэрвеня 1941 года Якаў знаходзіўся ў дзеючай арміі: камандзір 6-й артылерыйскай батарэі 14-га гаўбічнага палка 14-й танкавай дывізіі 7-га мехкорпуса 20-й арміі, старшы лейтэнант.

4 ліпеня 1941 года часткі 16-й, 19-й і 20-й арміі патрапілі ў акружэнне пад Віцебскам.

За бой 7 ліпеня 1941 года каля ракі Чарнагосніца пад Сянно Віцебскай вобласці разам з іншымі байцамі Якаў Джугашвілі быў прадстаўлены да ўрадавай узнагароды (гл. Бітва пад Сянно). 16 ліпеня 1941 года пры выхадзе з акружэння каля Лёзна ён прапаў. Згодна з рапартам брыгаднага камісара Аляксея Румянцава, беспаспяховыя пошукі сына Сталіна працягваліся да 25 ліпеня.

14 красавіка 1943 года загінуў у канцлагеры Заксэнхаўзен пры спробе да ўцёкаў. Паводле сведчанняў відавочцаў, Джугашвілі кінуўся на калючы дрот, а вартавы праз імгненні стрэліў яму ў галаву. Падрабязную інфармацыю пра яго смерць, заснаваную на матэрыялах допытаў ахоўнікаў і апытанняў вязняў канцлагера, кіраўніцтва СССР атрымала яшчэ ў 1945 годзе, а нямецкія дакументы аб абставінах гібелі Джугашвілі, выяўленыя амерыканскімі спецслужбамі ў Берліне адразу пасля вайны, былі рассакрэчаныя ў 1968 годзе. У 1977 годзе Якаў Джугашвілі быў пасмяротна ўзнагароджаны Ордэнам Айчыннай вайны І ступені.

Узнагароды

• Ордэн Чырвонага Сцяга (1941);
• ордэн Айчыннай вайны І ступені (1977).

Спасылкі

• На Вікісховішчы ёсць медыяфайлы па тэме Якаў Іосіфавіч Джугашвілі