Ордэн Чырвонага Сцяга

З пляцоўкі Вікіпедыя
Перайсці да: рух, знайсці
Ордэн Чырвонага Сцяга
Order redstar rib.png The Order of the Red Banner.png
Арыгінальная назва

руск.: Орден Красного Знамени

Краіна

Сцяг СССР СССР

Тып

Ордэн

Каму ўручаецца

За асаблівую адвагу, самаадданасць і мужнасць, праяўленыя пры абароне сацыялістычнай Айчыны

Статус

не ўручаецца

Статыстыка
Дата заснавання

16 верасня 1918

Першае ўзнагароджанне

30 верасня 1918

Апошняе ўзнагароджанне

1991

Колькасць узнагароджанняў

581 300

Чарговасць
Старэйшая ўзнагарода

Ордэн Кастрычніцкай Рэвалюцыі

Малодшая ўзнагарода

Ордэн Суворава I ступені

Commons-logo.svg Ордэн Чырвонага Сцяга на Вікісховішчы

Ордэн Чырвонага Сцяга (ордэн «Чырвоны сцяг») — адзін з вышэйшых ордэнаў СССР. Першы з усіх савецкіх ордэнаў. Быў заснаваны для ўзнагароды за асаблівую адвагу, самаадданасць і мужнасць, праяўленыя пры абароне сацыялістычнай Айчыны. Ордэнам Чырвонага Сцяга таксама узнагароджваліся вайсковыя часткі, ваенныя караблі, дзяржаўныя і грамадскія арганізацыі. Да заснавання ордэна Леніна ў 1930 годзе, Ордэн Чырвонага Сцяга быў вышэйшым ордэнам Савецкага саюза.

За аснову ордэна быў прыняты знак ордэна «Чырвоны Сцяг» РСФСР, заснаваны 16 верасня 1918 года падчас Грамадзянскай вайны дэкрэтам УЦВК. Першапачаткова ордэн меў назву «Чырвоны Сцяг». Падчас Грамадзянскай вайны аналагічныя ордэны былі заснаваны ў іншых савецкіх рэспубліках. 1 жніўня 1924 года быў заснаваны агульнасаюзны ордэн «Чырвоны Сцяг», які адрозніваўся надпісам «СССР» замест «РСФСР» на стужцы на ніжняй частцы лаўровага вянка. Усе ордэны савецкіх рэспублік, якімі узнагароджвалі ў 1918-1924 гадах былі прыроўненыя да агульнасаюзнага ордэну. Статут ордэна быў зацверджаны Пастановай Прэзідыума ЦВК СССР ад 11 студзеня 1932 года (19 чэрвеня 1943 года і 16 снежня 1947 года ў гэтую пастанову указамі Прэзідыума Вярхоўнага Савета СССР ўносіліся змены і дапаўненні). Апошняя рэдакцыя статута ордэна была зацверджана Указам Прэзідыума Вярхоўнага Савета СССР ад 28 сакавіка 1980 года.

Ордэнам Чырвонага Сцяга былі ўзнагароджаны ВЛКСМ, газета «Красная звезда», Двойчы Чырванасцяжны Балтыйскі флот, Ваенная акадэмія паветрана-касмічнай абароны імя Маршала Савецкага Саюза Г.К. Жукава, Ваенна-паветраная інжынерная акадэмія імя прафесара М.Я. Жукоўскага, Ваенная акадэмія хімічнай абароны імя Маршала Савецкага Саюза С.К. Цімашэнка, Санкт-Пецярбургскае вышэйшае агульнавайсковае каманднае вучылішча ім. С.М. Кірава (двойчы), Кіеўскае вышэйшае агульнавайсковае каманднае вучылішча ім. М.В. Фрунзе (двойчы), Разанскае вышэйшае паветрана-дэсантнае каманднае вучылішча (двойчы), Ваенны інстытут Міністэрства абароны (Ваенны універсітэт), Балтыйскі дзяржаўны тэхнічны універсітэт «Ваенмех», маскоўская міліцыя, гарады Ленінград (Петраград), Капейск , Грозны, Ташкент, Валгаград (Царыцын), Луганск, Севастопаль.

Спасылкі[правіць | правіць зыходнік]