Фондавая біржа Сан-Паўлу
| Фондавая біржа Сан-Паўлу | |
|---|---|
 | |
 | |
| Размяшчэнне |
 Бразілія: Сан-Паўлу |
| Год заснавання | 1890 |
| Валюта | Бразільскі рэал |
| Аб’ём гандлю акцыямі | 1,2 млрд. $R (акцыямі) |
| Біржавыя індэксы | Ibovespa |
| Афіцыйны сайт | www.bmfbovespa.com.br |
Фондавая біржа Сан-Паўлу (парт.: Bolsa de Valores de São Paulo) або Баве́спа парт.: Bovespa) — найбуйнейшая фондавая біржа ў Лацінскай Амерыцы. Размешчана ў цэнтры найбуйнейшага горада Бразіліі — Сан-Паўлу. У маі 2008 года Bovespa аб’ядналася з Бразільскай гандлёвай і ф’ючэрснай біржай (Brazilian Mercantile & Futures Exchange), у выніку чаго ўтворана адна з найбуйнейшых у свеце біржа BM&FBOVESPA.
Гісторыя
[правіць | правіць зыходнік]Біржа была заснавана 23 жніўня 1890 года і стала першай біржай у гэтай краіне. Да сярэдзіны 60-х гадоў мінулага стагоддзя ўсе бразільскія біржы, у тым ліку і Bovespa, былі дзяржаўнымі карпарацыямі, якія абслугоўваюць фондавы рынак краіны. Біржы былі цесна звязаны з міністэрствам фінансаў, а брокеры прызначаліся ўрадам. У выніку рэформы нацыянальнай фінансавай сістэмы і фондавага рынку ў 1965-66 гадах бразільскія гандлёвыя пляцоўкі сталі некамерцыйнымі асацыяцыямі, якія маюць адміністрацыйную, фінансавую аўтаномію. Пачынаючы з гэтага часу, біржа развівалася, укараняючы ў сваю дзейнасць новыя тэхналогіі, такія, як электронныя сістэмы гандлю, гандаль па тэлефону. З мэтай пашырэння доступу да рынку каштоўных папер Bovespa у 1999 годзе ўвяла электронныя сістэмы, якія дазваляюць дробным і сярэднім інвестарам браць удзел у гандлі, а таксама сістэму вячэрняга электроннага гандлю, які працуе пасля зачынення рынку.
Бягучае становішча біржы
[правіць | правіць зыходнік]На сённяшні дзень Bovespa з'яўляецца найбуйнейшай фондавай біржай у Лацінскай Амерыцы, якая засяродзіла ў сябе 70 % аб'ёму гандлю ўсяго рэгіёна. У 2004 годзе на біржы ў сярэднім здзяйснялася ўгод з акцыямі на суму 1,2 млрд BRL.
Біржавыя індэксы
[правіць | правіць зыходнік]Асноўны індэкс: Ibovespa (Bovespa Index) — складаецца з самых розных актыўных акцый на біржы, на якія прыпадае каля 80 % аперацый.
У лістападзе 1997 года індэкс Bovespa зваліўся больш чым на 10 %, справакаваўшы рэзкае зніжэнне катыровак па ўсёй Паўднёвай Амерыцы. Спецыялісты звязалі тое, што адбылося з валютна-фінансавым крызісам у Паўднёва-усходняй Азіі.
Гл. таксама
[правіць | правіць зыходнік]Спасылкі
[правіць | правіць зыходнік]- Афіцыйны сайт біржы Архівавана 13 сакавіка 2016.
- Капіталізацыя рынка акцый біржы Bovespa (разлічваецца штодня) Архівавана 6 кастрычніка 2008.