Арлан-крыкун

	Арлан-крыкун
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Надклас:	Чацвераногія
Клас:	Птушкі
Падклас:	Нованёбныя
Атрад:	Сокалападобныя
Сямейства:	Ястрабіныя
Падсямейства:	Канюковыя
Род:	Арланы
Від:	Арлан-крыкун
Міжнародная навуковая назва
	Haliaeetus vocifer (Daudin, 1800)
ITIS	175427
NCBI	52649
EOL	914530
FW	374120

Арла́н-крыку́н (Haliaeetus vocifer) — драпежная птушка з роду Арланы (Haliaeetus) сямейства Ястрабіныя (Accipitridae).

Апісанне[правіць | правіць зыходнік]

Даўжыня цела 58—74 см, размах крылаў да 2,1 м. Вага дарослай птушкі 2,1—3,6 кг. Самкі крыху буйнейшыя за самцоў. Шыя, галава і грудзі белыя. Махавыя крылы і спіна чорныя. Хвост кароткі, белага колеру. Вочы цёмныя. Дзюба жоўтая з чорным канцом. Лапы жоўтыя, з моцнымі загнутымі кіпцюрамі. Голас — высокі гучны клёкат, з’яўляецца адным з характэрных гукаў прыроды Афрыкі.

У жыўленні пераважае рыба.

Распаўсюджанне[правіць | правіць зыходнік]

Арлан-крыкун з’яўляецца эндэмікам Афрыкі. Шырока распаўсюджаны на поўдзень ад Сахары. Гняздзіцца на высокіх прыбярэжных дрэвах азёраў, рэк, марскіх узбярэжжаў.

Іншае[правіць | правіць зыходнік]

Выява арлана-крыкуна маецца на сцягу, гербе і грашовых купюрах Замбіі, гербах Намібіі і Паўднёвага Судана.

Літаратура[правіць | правіць зыходнік]

Полозов С. А. Орлан-крикун // Африка: энциклопедический справочник. Т. 2. Л—Я / Гл. ред. А. Громыко. Ред. колл. В. М. Власов, Н. И. Гаврилов и др. — М.: Советская энциклопедия, 1987. — С. 281. — 671 с. с илл. (руск.)

Спасылкі[правіць | правіць зыходнік]

Орлан-крикун // ANIMALS-WILD.RU (руск.)
Орлан-крикун // Журнал «Энимал Ридер» (руск.)