Шматгадовая травяністая расліна з вышынёй сцябла ад 30 да 150 см[3]. Утварае стрыжневы корань, засухаўстойлівы. Лісце даўжынёй да 15 см непарнаперыстае з 5-11 ліставымі фрагментамі, якія эліптычныя, авальныя або зваротнаяйкападобныя і 1,5-4 см даўжынёй. Суквецці 5-15 см у даўжыню і складаюцца з да 40 кветак ад вінна-чырвонага да фіялетавага колеру. Рэдка сустракаецца альбіносная форма з белымі пялёсткамі. Карычневыя струкі з 1-4 выразна аддзеленымі адзін ад аднаго часткамі. У кожным сегменце маецца 1 круглявая, па баках пляскатая, цёмная семачка[4].
