Korpiklaani

Korpiklaani
Korpiklaani
	Myötätuulirock 2011
Асноўная інфармацыя
Жанр	фолк-метал
Гады	з 2003 (як Shaman з 1993)
Адкуль	Лахці, Фінляндыя
Мова песень	англійская; фінская; саамская
Лэйбл	Nuclear Blast
Склад	Jonne Järvelä[d]; Samuli Mikkonen[d]; Kalle Savijärvi[d]; Juho Kauppinen[d]; Tuomas Rounakari[d]; Jarkko Aaltonen[d]; Sami Perttula[d]; Matti Johansson[d]; Jaakko Lemmetty[d];
korpiklaani.com (англ.)
Медыяфайлы на Вікісховішчы

Korpiklaani («Лясное брацтва»^[1], ад фінск.: korpi — «глухі лес», «дрымучы лес» і klaani — «клан», «брацтва») — фінскі фолк-метал-гурт. З'явіўся ў 1993 годзе як рэстаранны пад назвай Shamaani Duo. Гурт, які тады складаўся толькі з Ённэ Ярвеля і Маарэн Айкіё, іграў сем дзён у тыдзень у рэстаране Hullu poro («Звар'яцелы паўночны алень») ў Лапландыі. З 1997 года гурт называецца Shaman, у 2003 годзе ўдзельнікі Shaman сфарміравалі Korpiklaani і адлічваюць сваю гісторыю ад гэтага моманту.

Музыка Korpiklaani ўяўляе сабой сумесь цяжкага металу і традыцыйнай саамскай і фінскай музыкі. У першых альбомах гурта, Idja і Shamaniac, значная частка песень уяўляла сабой традыцыйны саамскі ёйк.

Склад[правіць | правіць зыходнік]

У пастаянны склад гурта, разам з рок-гітарыстамі, уваходзіць скрыпач, акардэаніст і флейтыст. Апроч таго, на альбоме Tales Along This Road можна пачуць торупіль (эстонскую валынку).

Удзельнікі

Ёне Ярвеля — спевы, гітара, мандаліна
Калле «Кейн» Савіярві — гітара, бэк-вакал
Ярка Аалтанен — бас-гітара, бэк-вакал
Туомас Роўнакары — скрыпка (з 2012)
Самі Пертула — акардэон (з сакавіка 2013)
Мацці «Матсан» Ёхансан — ударныя, бэк-вакал

Былыя ўдзельнікі

Яака «Хітавайнен» Лемеццю — акустычная і электрычная скрыпка, флейта, вістл, ёўхіка, торупіль (эстонская валынка), мандаліна, губны гармонік, бэк-вакал, (2003—13.09.2011).
Тээму Ээрала — скрыпка (з 2011 па 2012)

13 верасня 2011 года было аб'яўлена, што Яака Лемеццю пакідае гурт з-за праблем са здароўем. Замест яго ўзялі студэнта факультэта народнай музыкі Акадэміі імя Сібеліуса Тээму Ээрала. Гэта першы выпадак за ўсю гісторыю Korpiklaani, калі памяняўся склад. Ээрала ўпершыню выступіў з гуртам на канцэрце ў Ротэрдаме 24 верасня^[2]. Цераз некаторы час у складзе Korpiklaani зноў адбыліся змяненні — 22 лютага 2012 году Тээму змяніў скрыпач Туомас Роўнакары^[3].

Юха Каўпінен — акардэон, бэк-вакал. Аб'явіў аб выхадзе з гурта 13 сакавіка 2013 года. Сам музыкант тлумачыць свой выхад жаданнем сканцэнтравацца на іншых мэтах.

Дыскаграфія[правіць | правіць зыходнік]

Korpiklaani — адзін з самых «пладавітых» гуртоў, якія іграюць фолк-метал: пачынаючы з 2003 года гурт выпусціў восем поўнафарматных альбомаў. Па водгуках саміх музыкаў, Korpiklaani іх не корміць — практычна ўсім прыходзіцца працаваць «на баку», каб зарабіць сабе на дастойнае жыццё.

Як і планавалася, 3 жніўня 2012 года выйшаў новы альбом гурта — Manala^[4].