Liber Pontificalis

Liber Pontificalis (Кніга пантыфікаў^[1]) — зборнік дзей рымскіх пап, пачынаючы з апостала Пятра. Розныя версіі Liber Pontificalis сканчаюць аопвед на розных папах. Самая ранняя версія (Catalogus Felicianus) створана ў VI або VII стагоддзі і змяшчае інфармацыю аб папах да Фелікса IV (526—530) уключна. Пазнейшыя версіі даходзяць да Пія II (1458—1464).

Кніга напісана на лацінскай мове.

Аўтарства

Аўтарамі Liber Pontificalis лічыліся^[2]:

Еранім Стрыдонскі. Версія Рабана Маўра, заснаваная на падробленай перапісцы Ераніма з папам Дамасіем, прыведзенай у шматлікіх рукапісах Liber Pontificalis.
Анастасій Бібліятэкар (каля 810 — каля 880). Версія Анафрыа Панвініа. Абвергнута Цэзарам Бароніем і іншымі даследчыкамі^[3]^[4]. Анастасію належаць, мабыць, толькі біяграфіі Мікалая I (858—867) і Адрыяна II (867—872).
Папскі «кіраўнік» «Primicerius» Хрыстафор (Christopher) — біяграфія папы Стэфана II (752—757).
Баніза з Сутры (Bonizo of Sutri, 1045—1090) — біяграфіі пап ад Яна XII (955—964) да Грыгорыя VII (1073—1085).
Пандульф Пізанскі (Pandulf, 1101—1201) (Версія Андрэ Дзюшэна), альбо Пётр Пізанскі (Petrus Pisanus)^[5]^[6] — біяграфіі пап ад Грыгорыя VII (1073—1085) да Урбана II (1088—1099).
Кардынал Базо (Boso, пам. каля 1181) — біяграфіі пап ад Геласія II (1118—1119) да Аляксандра III (1179—1181).

Склад

Для кожнага рымскага папы (біскупа) пазначана:

час праўлення (датаванне па консулам і тэрмін);
паходжанне і імя бацькі;
спіс указаў;
лік прызначаных прэсвітараў, дыяканаў і біскупаў;
дата смерці і месца пахавання;
іншыя звесткі.

Гістарычнасць

Інфармацыю Liber Pontificalis з V стагоддзя можна лічыць гістарычнай. Больш раннія запісы спрэчныя, паколькі:

многія раннія звесткі (такія, як указы і інфармацыя аб пакутніцтве шэрагу першых біскупаў) ўнікальныя і не адлюстраваны ў іншай літаратуры таго ж і больш ранняга перыяду;
даты смерці пап, мабыць, узыходзяць да дат іх памяці, зафіксаваным каля IV стагоддзя.

Некаторыя копіі Liber Pontificalis ўтрымліваюць звесткі, якіх няма ў іншых копіях (напрыклад, аб Папесе Іаане). Гэтыя звесткі, відаць, з’яўляюцца познімі ўстаўкамі.

Раннія датаванні Liber Pontificalis ўзыходзяць да Catalogus Liberianus (са складу Chronographus Anni 354) і разыходзяцца з «Царкоўнай гісторыяй» Яўсевія Кесарыйскага і хронікай св. Ераніма, што абцяжарвае пабудову дакладнай храналогіі ранніх рымскіх біскупаў.

Зноскі

↑ Королёв А. А. Liber Pontificalis // Православная энциклопедия. — М.: Церковно-научный центр «Православная энциклопедия», 2015. — Т. XL. — С. 698—704. — 752 с. — 33 000 экз.
↑ Catholic Encyclopedia (нявызн.). Архівавана з першакрыніцы 13 жніўня 2012.
↑ Ciampini «Examen Libri Pontificalis seu Vitarum Rom. Pont. quæ sub nomine Anastasii circumferuntur», Rome, 1688
↑ Schelstrate «Dissertatio de antiquis Romanorum Pontificum catalogis», Rome, 1692
↑ Giesebrecht «Allgemeine Monatsschrift», Halle, 1852, 260 sqq.
↑ Watterich. Romanorum Pontificum vitæ, I, LXVIII sqq.

Спасылкі

Liber Pontificalis (Catalogus Felicianus)Архівавана 14 лютага 2013.
Liber Pontificalis (розныя рукапісы)Архівавана 9 сакавіка 2017.
Catholic EncyclopediaАрхівавана 3 верасня 2012.

[ПЭ-1] Королёв А. А. Liber Pontificalis // Православная энциклопедия. — М.: Церковно-научный центр «Православная энциклопедия», 2015. — Т. XL. — С. 698—704. — 752 с. — 33 000 экз.

[2] Catholic Encyclopedia (нявызн.). Архівавана з першакрыніцы 13 жніўня 2012.

[3] Ciampini «Examen Libri Pontificalis seu Vitarum Rom. Pont. quæ sub nomine Anastasii circumferuntur», Rome, 1688

[4] Schelstrate «Dissertatio de antiquis Romanorum Pontificum catalogis», Rome, 1692

[5] Giesebrecht «Allgemeine Monatsschrift», Halle, 1852, 260 sqq.

[6] Watterich. Romanorum Pontificum vitæ, I, LXVIII sqq.

[1]

[2]

[3]

[4]

[5]

[6]