Ракі-пустэльнікі

Ракі-пустэльнікі
Рак-пустэльнік Coenobita clypeatus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Eucarida Атрад:  Дзесяціногія ракападобныя Надсямейства:  Ракі-пустэльнікі
Міжнародная навуковая назва
Paguroidea Latreille, 1802
Сістэматыка на Віківідах Выявы на Вікісховішчы ITIS   206947 NCBI   6744 EOL   46503911 FW   63294

Ракі-пустэльнікі (Paguroidea) — сямейства (або надсямейства) дзесяціногіх ракападобных.

Апісанне

Даўжыня да 17 см. Брушка пазбаўлена цвёрдага покрыва, часта сустракаецца асіметрыя клюшняў і брушка, некаторыя канечнасці часам недаразвітыя.

Пашырэнне

Налічваецца каля 40 родаў, 600 відаў. Пашыраны ва ўсіх акіянах. Кормяцца водарасцямі, бентасам, дэтрытам.

Асаблівасці біялогіі

Для аховы мяккага брушка звычайна пасяляюцца ў пустых ракавінах бруханогіх мапюскаў, часам у сцёблах бамбуку і інш. Ракавіну носяць з сабою, пры небяспецы цалкам хаваюцца ў яе, а вусце закрываюць клюшняй (адсюль назва). Па меры росту цела мяняюць ракавіну на больш умяшчальную.

Шырока вядомы сімбіёз ракаў-пустэльнікаў з актыніямі і іншымі каралавымі паліпамі, некаторымі многашчацінкавымі чарвямі.

Літаратура

• Гігіняк Ю. Ракі-пустэльнікі // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).