SCR-1200
| SCR-1200 | |
|---|---|
| Тып: | снайперская вінтоўка |
| Краіна: |  Беларусь
|
| Гісторыя вытворчасці | |
| Вытворца: | вытворча-тэхнічны кластар «Вусце» |
| Варыянты: | SCR-1200M, SCR-1200P, SCR-1200W |
| Калібр, мм: | 7,62 × 54 мм R |
| Прыцэльная далёкасць, м: | 600 |
| Максімальная далёкасць, м: |
1200 |
SCR-1200 — беларуская мадэрнізацыя снайперскай вінтоўкі Драгунова.
Гісторыя[правіць | правіць зыходнік]
Упершыню публіцы вінтоўку паказалі на 10-й Міжнароднай выставе ўзбраення і ваеннай тэхнікі «MILEX-2021», якая праходзіла ў чэрвені 2021 года ў Мінску. Прадстаўлены тры мадыфікацыі: SCR-1200M, SCR-1200P, SCR-1200W. Усе яны на той час ужо прайшлі выпрабаванні на палігоне.
Работы над стварэннем SCR-1200 вяліся на базе кластара «Вусце» ў Віцебскай вобласці, дзе створана сучасная навукова-тэхнічная і вытворчая база, што дазволіла распрацоўваць і мадэрнізаваць мноства ўзораў зброі баявога, грамадзянскага і спецыяльнага прызначэння.
Распрацоўка вінтоўкі вялася па ўказе прэзідэнта Беларусі Аляксандра Лукашэнкі.
Адрозненні ад СВД[правіць | правіць зыходнік]
Зброя з’яўляецца глыбокай мадэрнізацыяй савецкай СВД. У першую чаргу прыбраны драўляныя або пластмасавыя шчокі, цаўё зроблена з лёгкага металічнага сплаву. Усталяваны тэлескапічны прыклад. З’явілася магчымасць асобнага рэгулявання затыльніка, шчокі і прыклада.
Зверху і знізу вінтоўкі маюцца планкі Пікаціні, якія дазваляюць мацаваць розныя аптычныя прыцэлы, а таксама здымныя сошкі і іншае навясное абсталяванне. На SCR-1200 можа ўсталёўвацца прыбор беспламеннай і малашумнай стральбы замест стандартнага тормаза-кампенсатара. Ствол вінтоўкі атрымаў больш трывалую фіксацыю, што лепшым чынам адбілася на кучнасці стральбы. Так, напрыклад, калі папярочнік рассейвання з 10 патронаў на далёкасці 100 метраў у Драгунова складаў 8—10 см, то SCR-1200 на ўсіх праведзеных выпрабаваннях паказала сярэднюю кучнасць бою не больш за 5 см.
Змены, унесеныя ў канструкцыю, дазволілі значна хутчэй падрыхтавацца да бою і вырабіць прыцэльны стрэл. Пры гэтым цэнтроўка зброі і яе хуткастрэльнасць абсалютна не змяніліся. Аднак SCR-1200 атрымалася некалькі больш цяжкай, чым СВД.
Іншыя характарыстыкі[правіць | правіць зыходнік]
Выкарыстоўваюцца патроны пад калібр 7,62 × 54 мм R. Максімальная прыцэльная далёкасць пры стральбе з адкрытага прыцэла склала 1200 м, эфектыўнасць паражэння — да 600 метраў.
Гл. таксама[правіць | правіць зыходнік]
Спасылкі[правіць | правіць зыходнік]
- конструкторы оружия создали снайперскую винтовку SCR-1200, проведя глубокую модернизацию СВД Архівавана 19 снежня 2021. // Государственный военно-промышленный комитет Республики Беларусь, 21 октября 2021.